ଭୁବନେଶ୍ୱର,୨୯।୯: ରାଜ୍ୟର ପ୍ରମୁଖ ଅଳଙ୍କାର ପ୍ରତିଷ୍ଠାନ ଅରୁନ୍ଧତୀ ଜୁଏଲେରି ପକ୍ଷରୁ ଚଳିତ ପାର୍ବଣ ଉପଲକ୍ଷେ ନୂତନ କଲେକ୍ସନ ‘ଅର୍କ’ର ଉନ୍ମୋଚନ କରାଯାଇଛି। ଏପରିକି ବୁଧବାର ସ୍ଥାନୀୟ ଜୟଦେବ ବିହାରସ୍ଥିତ ଏକ ହୋଟେଲ ପରିସରରେ ଆୟୋଜିତ ସ୍ବତନ୍ତ୍ର କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଯୋଗଦେଇ ଭୁବନେଶ୍ୱର ମହାନଗର ନିଗମର ମେୟର ସୁଲୋଚନା ଦାସ ଏହାର ଅନାବରଣ କରିଛନ୍ତି। ଏହି ଅବସରରେ ରାଜ୍ୟ ଜଣାଶୁଣା ମହିଳା ଉଦ୍ୟୋଗୀ ଓ ଅରୁନ୍ଧତୀ ପରିବାରର ପ୍ରମୁଖ ସଦସ୍ୟମାନେ ଉପସ୍ଥିତ ଥିଲେ।
ଏ ସମ୍ପର୍କରେ ଅରୁନ୍ଧତୀ ଜୁଏଲର୍ସର ପରିଚାଳନା ନିର୍ଦ୍ଦେଶକ ବ୍ରହ୍ମାନନ୍ଦ ମେହେର କହିଛନ୍ତି, ରାଜ୍ୟର କଳା, ସ୍ଥାପତ୍ୟ ଓ ସୌନ୍ଦର୍ଯ୍ୟକୁ ବିଶ୍ୱ ଦରବାରରେ ପହଞ୍ଚାଇବାର ପ୍ରୟାସ ଜାରି ରହିବ। ସେହିଭଳି ଅରୁନ୍ଧତୀ ଜୁଏଲର୍ସ ସବୁ ସମୟରେ ତା’ର ପ୍ରିୟ ଗ୍ରାହକମାନଙ୍କ ପସନ୍ଦ ଓ ଚାହିଦାକୁ ଦୃଷ୍ଟିରେ ରଖି ନିରବଚ୍ଛିନ୍ନ ଭାବେ ସେବା ଯୋଗାଇ ଆସୁଛି। ଆମର ‘ଗ୍ରାହକମାନଙ୍କର ସନ୍ତୋଷରେ ଆମର ଆମତ୍ସନ୍ତୋଷ’ ମନ୍ତ୍ରରେ ଦୀର୍ଘ ୨୩ ବର୍ଷ ଧରି ପ୍ରତିଶ୍ରୁତିବଦ୍ଧ ଭାବେ ବ୍ୟବସାୟ କରିବା ସହ ସମୟ ସହ ତାଳ ଦେଇ ଅନନ୍ୟ ଗ୍ରହଣା ଡିଜାଇନ କରିବାରେ ନିଜର ସ୍ବତନ୍ତ୍ରତା ବଜାୟ ରଖିଛି। ଚଳିତ ବର୍ଷ ପାର୍ବଣ ଋତୁ ଅବସରରେ ଗ୍ରାହକ ସେବାରେ ଆଉ ଏକ ପାଦ ଆଗକୁ ଯାଇ ରାଜ୍ୟର ଗର୍ବ ଓ ଗୌରବ କୋଣାର୍କ ସୂର୍ଯ୍ୟ ମନ୍ଦିରର କଳା, ସ୍ଥାପତ୍ୟ, ସୌନ୍ଦର୍ଯ୍ୟ ଓ ପ୍ରସ୍ତର ଖୋଦେଇ କାରୁକାର୍ଯ୍ୟକୁ ସ୍ଥାନ ଦେଇ ନୂତନ ଗହଣା ‘ଅର୍କ’ର ଶୁଭାରମ୍ଭ କରାଯାଇଛି।
ଅପରପକ୍ଷରେ ଅରୁନ୍ଧତୀ ଗ୍ରୁପ୍ର ନିର୍ଦ୍ଦେଶକ ଅଚ୍ୟୁତାନନ୍ଦ ମେହେର ନୂତନ ଗହଣା ଉନ୍ମୋଚନ ସହ ପାର୍ବଣ ଋତୁର ଆକର୍ଷଣୀୟ ଅଫର ସମ୍ପର୍କରେ ମଧ୍ୟ ଘୋଷଣା କରିଥିଲେ। ଗ୍ରାହକମାନେ ସୁନାଗହଣା ଉପରେ ୫୦% ପର୍ଯ୍ୟନ୍ତ ଗଢ଼ା ମଜୁରି ଏବଂ ୩୦% ପର୍ଯ୍ୟନ୍ତ ହୀରା ମୂଲ୍ୟ ଓ ୫୦% ପର୍ଯ୍ୟନ୍ତ ରୁପା ଗହଣାର ଗଢ଼ା ମଜୁରି ରିହାତି ପାଇପାରିବେ। ଏଥି ସହିତ ଅରୁନ୍ଧତୀକୁ ଓଡ଼ିଶାର ସର୍ବବୃହତ୍ ବ୍ରାଣ୍ଡ୍ ଭାବେ ତିଆରି କରିଥିବାରୁ ସମସ୍ତ ଗ୍ରାହକବନ୍ଧୁଙ୍କୁ ହୃଦୟରୁ ଧନ୍ୟବାଦ ଜ୍ଞାପନ କରିବା ସହ ନୂତନ କେଲକ୍ସନ ‘ଅର୍କ’ର ଆନନ୍ଦ ନେବା ପାଇଁ ସାଦର ନିମନ୍ତ୍ରଣ କରିଥିଲେ।
