ପୋର୍ଟୋ ଆଲେଗ୍ର,୯ା୫: ପାରାଲିମ୍ପିକ ଫେନ୍ସର ଭାଣ୍ଡରସନ ଚେଭ୍ସ ଦଶନ୍ଧିରୁ ଅଧିକ ସମୟ ହେଲା ଅନେକ ବାଧାବିଘ୍ନ ଦେଇ ଗତି କରିଛନ୍ତି। କିନ୍ତୁ ବ୍ରାଜିଲର ରିଓ ଗ୍ରେଣ୍ଡ୍ ଡୁ ସୁଲ୍ ଷ୍ଟେଟ୍ରେ ବଡ଼ ଧରଣର ବନ୍ୟା ଯୋଗୁ ତାଙ୍କୁ ନାହିଁ ନ ଥିବା ଅସୁବିଧାର ସମ୍ମୁଖୀନ ହେବାକୁ ପଡ଼ିଛି। ବନ୍ୟା ଜଳରେ ତାଙ୍କ ଖେଳ ସରଞ୍ଜାମ, ୧୨ଟି ପଦକ, ତାଙ୍କ ପାସ୍ପୋର୍ଟ ଭାସି ଯାଇଛି। ତେଣୁ ସେପ୍ଟେମ୍ବରରେ ହେବାକୁଥିବା ପ୍ୟାରିସ ଅଲିମ୍ପିକ୍ସରେ ତାଙ୍କ ଅଂଶଗ୍ରହଣ ଆଶା କ୍ଷୀଣ ହୋଇଛି।
ବନ୍ୟା ଯୋଗୁ ପ୍ରାୟ ୨୩୦,୦୦୦ ଲୋକଙ୍କୁ ସ୍ଥାନାନ୍ତର ପରାଯାଇଛି। ବନ୍ୟା ଜଳରେ ତାଙ୍କ ଘର ବୁଡ଼ିଯାଇଛି। ଯାହା ଅଳ୍ପ କିଛି ଆସବାସପତ୍ର ସେମାନେ କାର୍ ଯୋଗେ ନେଇପାରିଛନ୍ତି। ଏହି ପ୍ରାକୃତିକ ଦୁର୍ବିପାକ ତାଙ୍କ ମାନସିକ ସ୍ବାସ୍ଥ୍ୟକୁ ପ୍ରଭାବିତ କରିଛି। ପ୍ୟାରିସ ଅଲିମ୍ପିକ୍ସ ଯୋଗ୍ୟତା ହାସଲ ପାଇଁ ତାଙ୍କୁ ଆସନ୍ତା ସପ୍ତାହରେ ଦୁଇଟି ବଡ଼ ପ୍ରତିଯୋଗିତାରେ ଭାଗ ନେବାକୁ ପଡ଼ିବ। ବନ୍ୟା ଯୋଗୁ ଚାଭେସ ପ୍ରାୟ ୩୦୦ ଲୋକଙ୍କ ସହ ଗ୍ରେମିଓ ନୌଟିକୋ ୟୁନିଆଓ ନାମକ ଏକ କ୍ଲବରେ ଆଶ୍ରୟ ନେଇଛନ୍ତି।
