ନୂଆଦିଲ୍ଲୀ,୭।୧୨: PAN 2.0 ଆସିବା ପରେ PAN କୁ ଆଧାର ସହିତ ଲିଙ୍କ କରିବା ଆବଶ୍ୟକ କି? ଏହାକୁ ନେଇ ପୁଣି ଦ୍ୱନ୍ଦ୍ୱ ଦେଖାଦେଇଛି। ନୂଆ ପାନ କାର୍ଡକୁ ପୁରୁଣା ପାନ କାର୍ଡ ଭଳି ଆଧାର ସହ ଲିଙ୍କ କରିବାକୁ ପଡ଼ିବ କି? ଆସନ୍ତୁ ଜାଣିବା । କହିରଖୁଛୁ କି, ପାନ ୨.୦ ପରେ ମଧ୍ୟ, ପାନକୁ ଆଧାର ସହିତ ଲିଙ୍କ କରିବା ଆବଶ୍ୟକ । ଆପଣଙ୍କୁ ଜଣାଇଦେଉଛୁ ଯେ, ଆୟକର ବିଭାଗ ପାନ କାର୍ଡକୁ ଆଧାର ସହିତ ଲିଙ୍କ କରିବା ବାଧ୍ୟତାମୂଳକ କରିଛି ।
ଯଦି ଆପଣ ପାନ କାର୍ଡକୁ ଆଧାର ସହିତ ଲିଙ୍କ କରନ୍ତି ନାହିଁ, ତେବେ ପାନ କାର୍ଡ ନିଷ୍କ୍ରିୟ ହୋଇଯିବ । ଯଦି ଆପଣଙ୍କର ପାନ କାର୍ଡ କାର୍ଯ୍ୟକ୍ଷମ ନୁହେଁ ତେବେ ଆୟକର ରିଟର୍ଣ୍ଣ ଦାଖଲ ହୋଇପାରିବ ନାହିଁ । ଟିକସ ଫେରସ୍ତ ହୋଇପାରିବ ନାହିଁ ଏବଂ ଆର୍ଥିକ ସେବା ମଧ୍ୟ ଉପଲବ୍ଧ ନାହିଁ । ନୂଆ ପାନ କାର୍ଡ ଆବେଦନକାରୀଙ୍କ ପାଇଁ ଆଧାର ପାନ ଲିଙ୍କ ସ୍ବୟଂଚାଳିତ ଭାବରେ ହୋଇଥାଏ । ଆଧାର ସହିତ PAN କୁ ଲିଙ୍କ କରିବାକୁ ଚାହୁଁଥିଲେ ଆପଣ ପ୍ରଥମେ UIDPAN ଲେଖିବାକୁ ପଡିବ, ଆପଣଙ୍କର ଆଧାର ନମ୍ବର ଏବଂ PAN ନମ୍ବର ପ୍ରବେଶ କରନ୍ତୁ ଏବଂ 567678 କିମ୍ବା 56161 କୁ SMS ପଠାନ୍ତୁ ।
ନାମ, ଜନ୍ମ ତାରିଖ, ଏବଂ ଲିଙ୍ଗ ପରି ସୂଚନା ପାନ ଏବଂ ଆଧାର କାର୍ଡରେ ମେଳ ହେବା ଉଚିତ। ଯଦି ପାନ ଏବଂ ଆଧାର କାର୍ଡ ମଧ୍ୟରେ ସୂଚନାରେ ପାର୍ଥକ୍ୟ ଅଛି, ତେବେ ଉଭୟ ଡକ୍ୟୁମେଣ୍ଟରେ ଥିବା ତଥ୍ୟ ସମାନ ହେବା ଆବଶ୍ୟକ । ପ୍ରତି ୧୦ ବର୍ଷରେ ଆଧାର କାର୍ଡର ବାୟୋମେଟ୍ରିକ ଅପଡେଟ କରିବା ଉଚିତ କିନ୍ତୁ PAN 2.0 ଅପଡେଟ କରିବାର କୌଣସି ଆବଶ୍ୟକତା ନାହିଁ । ନୂଆ ପାନ କାର୍ଡରେ QR କୋଡ ରହିବ, ଯାହା PAN ଯାଞ୍ଚକୁ ସହଜ କରିବ । ଏହା ସହିତ, ପାନ ୨.୦ ରେ ଏପରି ଅନେକ ବେଶିଷ୍ଟ୍ୟ ରହିବ ଯାହା ଆର୍ଥିକ ଠକେଇକୁ ରୋକିବାରେ ସହାୟକ ହେବ ।
ଯଦି ଆପଣଙ୍କର ପାନ କାର୍ଡ ତିଆରି ହୋଇଛି, ତେବେ ପୁନର୍ବାର ପାନ କାର୍ଡ ତିଆରି କରିବାର କେଣସି ଆବଶ୍ୟକତା ନାହିଁ । ଏହି ପୁରୁଣା ପାନ କାର୍ଡ ବୈଧ ରହିବ । ନୂଆ PAN 2.0 ପୁରୁଣା PAN ର ଏକ ଅପଗ୍ରେଡ ସଂସ୍କରଣ ହେବ । ଲୋକମାନେ ସେମାନଙ୍କର PAN ନମ୍ବର ପରିବର୍ତ୍ତନ କରିବା ଦରକାର ନାହିଁ ।
