ନୂଆଦିଲ୍ଲୀ, ୧୧।୫: ଭୂଲ ମାନିଲା ପାକିସ୍ତାନ। କରିଛି ଆତଙ୍କବାଦୀ ହମଲା।ସାମ୍ବାଦିକ ସମ୍ମିଳନୀ କରି ଏନେଇ ବଡ଼ ବୟାନ ଦେଇଛି ପାକିସ୍ତାନୀ ସେନା। ପାକିସ୍ତାନ ସେନାର ଜଣେ ଉଚ୍ଚପଦସ୍ଥ ଅଧିକାରୀ ଏକ ଚାଞ୍ଚଲ୍ୟକର ସ୍ବୀକାରୋକ୍ତିରେ ୨୦୧୯ ମସିହା ଫେବୃଆରୀରେ ଜମ୍ମୁ ଓ କଶ୍ମୀରର ପୁଲୱାମାରେ ଘଟିଥିବା ଆତଙ୍କବାଦୀ ଆକ୍ରମଣରେ ପାକିସ୍ତାନର ଭୂମିକା ଥିବା ମାନିଛନ୍ତି। ଏହି ଆକ୍ରମଣରେ ୪୦ ଜଣ ଭାରତୀୟ ସିଆରପିଏଫ ଯବାନ ସହିଦ ହୋଇଥିଲେ। ପାକିସ୍ତାନ ବାୟୁସେନାର ଡିରେକ୍ଟର ଜେନେରାଲ ପବ୍ଲିକ ରିଲେସନ୍ସ ଏୟାର ଭାଇସ ମାର୍ଶାଲ ଔରଙ୍ଗଜେବ ଅହମ୍ମଦ ଶୁକ୍ରବାର ଏକ ସାମ୍ବାଦିକ ସମ୍ମିଳନୀରେ ଏହି ଆକ୍ରମଣକୁ “କୌଶଳଗତ ଚତୁରତା” (ଟାକ୍ଟିକାଲ ବ୍ରିଲିଆନ୍ସ) ବୋଲି ଅଭିହିତ କରିଛନ୍ତି।
Pulwama Attack ଔରଙ୍ଗଜେବ କହିଛନ୍ତି, “ପାକିସ୍ତାନର ଭୂମି, ଆକାଶ କିମ୍ବା ଜଳସୀମା ଉପରେ ଯଦି କୌଣସି ବିପଦ ଆସେ, ତାହାକୁ ଆମେ କେବେ ବି ସହ୍ୟ କରିବୁ ନାହିଁ। ଆମେ ପୁଲୱାମାରେ ଆମର କୌଶଳଗତ ଚତୁରତା ଦେଖାଇଥିଲୁ, ଏବଂ ଏବେ ଆମେ ଆମର ଅପରେଶନାଲ ପ୍ରଗତି ଓ ରଣନୀତିକ ଦକ୍ଷତା ପ୍ରମାଣ କରିଛୁ।” ଏହି ବୟାନ ପାକିସ୍ତାନରେ ଚହଳ ପକାଇଛି। କାରଣ ପୁଲୱାମା ଆକ୍ରମଣରେ ପାକ୍ ନିଜର ସମ୍ପୃକ୍ତିକୁ ବାରମ୍ବାର ଅସ୍ବୀକାର କରିଆସୁଥିଲା।
If you missed it….Pakistan just confessed!
“Pulwama was tactical brilliance. Now we’ve shown operational progress”
That’s Pakistan Army admitting Pulwama wasn’t the doing of faceless terrorists. It was state-backed
Every time they glorify terror as a ‘tactical op’, they… pic.twitter.com/yknxWF9ole
— Nabila Jamal (@nabilajamal_) May 10, 2025
Pulwama Attack ୨୦୧୯ ମସିହା ଫେବୃଆରୀ ୧୪ରେ ପାକିସ୍ତାନ ଆଧାରିତ ଆତଙ୍କବାଦୀ ସଂଗଠନ ଜୈଶ-ଏ-ମହମ୍ମଦ (ଜେଇଏମ)ର ଜଣେ ଆତ୍ମଘାତୀ ବୋମାବାଜ ଆଦିଲ ଅହମ୍ମଦ ଡାର ପୁଲୱାମାରେ ସିଆରପିଏଫ ଯବାନଙ୍କ ଏକ କନଭୟ ଉପରେ ବିସ୍ଫୋରକ ଭର୍ତ୍ତି ଗାଡ଼ି ମାଡ଼ି ଆକ୍ରମଣ କରିଥିଲେ। ଏହି ଆକ୍ରମଣରେ ୪୦ ଜଣ ଯବାନ ଶହୀଦ ହୋଇଥିଲେ। ଭାରତ ଏହାର ପ୍ରତିଶୋଧ ନେଇ ଫେବୃଆରୀ ୨୬, ୨୦୧୯ରେ ପାକିସ୍ତାନର ବାଲାକୋଟରେ ଜେଇଏମର ଏକ ଆତଙ୍କବାଦୀ ତାଲିମ ଶିବିର ଉପରେ ବାୟୁସେନା ମାଧ୍ୟମରେ ଆକ୍ରମଣ କରିଥିଲା। ଏହି ଘଟଣା ପରେ ଉଭୟ ଦେଶ ମଧ୍ୟରେ ଉତ୍ତେଜନା ବୃଦ୍ଧି ପାଇଥିଲା। ଏହାପରେ ଭାରତ ପାକ୍ରେ ଏୟାରଷ୍ଟ୍ରାଇକ୍ କରିଥିଲା।
Pulwama Attack ଏହା ପ୍ରଥମ ନୁହେଁ ଯେ ପାକିସ୍ତାନର ଜଣେ ନେତା ପୁଲୱାମା ଆକ୍ରମଣରେ ନିଜ ଦେଶର ସମ୍ପୃକ୍ତି ମାନିଛନ୍ତି। ୨୦୨୦ ଅକ୍ଟୋବରରେ ପାକିସ୍ତାନର ତତ୍କାଳୀନ ବିଜ୍ଞାନ ଓ ପ୍ରଯୁକ୍ତି ମନ୍ତ୍ରୀ ଫୱାଦ ଚୌଧୁରୀ ଜାତୀୟ ସଭାରେ କହିଥିଲେ, “ଆମେ ଭାରତକୁ ତା’ ଘରେ ପଶିି ମାରିଛୁ। ପୁଲୱାମାରେ ଆମର ସଫଳତା ହେଉଛି ଇମ୍ରାନ ଖାନଙ୍କ ନେତୃତ୍ୱରେ ଆମ ଦେଶର ସଫଳତା।” ଏହି ବୟାନ ସେତେବେଳେ ବିବାଦ ସୃଷ୍ଟି କରିଥିଲା।
Pulwama Attack ଏହି ସୱୀକାରୋକ୍ତି ଏପ୍ରିଲ ୨୨, ୨୦୨୫ରେ ଜମ୍ମୁ ଓ କଶ୍ମୀରର ପାହାଲଗାମରେ ଘଟିଥିବା ଆତଙ୍କବାଦୀ ଆକ୍ରମଣ ପରେ ଉତ୍ତେଜନା ମଧ୍ୟରେ ଆସିଛି। ପହଲଗାମ ଆକ୍ରମଣରେ ୨୬ ଜଣ ନାଗରିକ, ଯେଉଁମାନେ ପ୍ରାୟତଃ ପର୍ଯ୍ୟଟକ ଥିଲେ, ନିହତ ହୋଇଥିଲେ। ଏହି ଆକ୍ରମଣ ପାଇଁ ଲସ୍କର-ଏ-ତୋଇବାର ଏକ ପ୍ରକ୍ସି ସଂଗଠନ ଦି ରେଜିଷ୍ଟାନ୍ସ ଫ୍ରଣ୍ଟ (ଟିଆରଏଫ) ଦାୟିତ୍ୱ ନେଇଥିଲା। ଭାରତ ଏହାର ପ୍ରତିଶୋଧରେ ମେ ୭, ୨୦୨୫ରେ ‘ଅପରେଶନ ସିନ୍ଦୁର’ ଆରମ୍ଭ କରି ପାକିସ୍ତାନ ଓ ପାକିସ୍ତାନ ଅଧିକୃତ କଶ୍ମୀରରେ ୯ଟି ଆତଙ୍କବାଦୀ ଲକ୍ଷ୍ୟସ୍ଥଳୀକୁ ଧ୍ୱଂସ କରିଥିଲା।
Pulwama Attack ଔରଙ୍ଗଜେବଙ୍କ ଏହି ବୟାନ ପାକିସ୍ତାନର ଦୀର୍ଘ ଦିନର ଅସ୍ବୱୀକାରକୁ ଖଣ୍ଡନ କରିଛି। ଭାରତ ବାରମ୍ବାର ଅଭିଯୋଗ କରିଆସୁଛି ଯେ ପାକିସ୍ତାନ ଜୈଶ-ଏ-ମହମ୍ମଦ ଓ ଲସ୍କର-ଏ-ତୋଇବା ପରି ଆତଙ୍କବାଦୀ ସଂଗଠନମାନଙ୍କୁ ସମର୍ଥନ ଓ ଆଶ୍ରୟ ଦେଉଛି। ଏହି ସ୍ବୀକାରୋକ୍ତି ପାକିସ୍ତାନର ଦ୍ୱିମୁଖୀ ନୀତିକୁ ଆହୁରି ସ୍ପଷ୍ଟ କରିଛି ଏବଂ ଆନ୍ତର୍ଜାତୀୟ ସମୁଦାୟରେ ଏହା ନୂଆ ବିତର୍କ ସୃଷ୍ଟି କରିପାରେ।
