ନୂଆଦିଲ୍ଲୀ,୨୪ା୧୦: ଭାରତରେ ନଭେମ୍ବର-ଡିସେମ୍ବରରେ ହେବାକୁ ଥିବା ଜୁନିୟର ହକି ବିଶ୍ୱକପ୍ରୁ ଓହରିଯାଇଛି ପାକିସ୍ତାନ। ପାକିସ୍ତାନ ହକି ମହାସଂଘ(ପିଏଚ୍ଏଫ୍) ଏହାର ନିଷ୍ପତ୍ତି ସମ୍ପର୍କରେ ଅନ୍ତର୍ଜାତୀୟ ହକି ମହାସଂଘ (ଏଫ୍ଆଇଏଚ୍) ଅବଗତ କରାଇଛି। ଏଫ୍ଆଇଏଚ ପକ୍ଷରୁ ଶୁକ୍ରବାର ଏହି ବିଷୟରେ ସ୍ପଷ୍ଟ କରିଦିଆଯାଇଛି।
ନଭେମ୍ବର ୨୮ରୁ ଡିସେମ୍ବର ୧୦ପର୍ଯ୍ୟନ୍ତ ଚେନ୍ନାଇ ଓ ମଦୁରାଇରେ ହେବାକୁଥିବା ଏହି ଇଭେଣ୍ଟରେ ପାକିସ୍ତାନ ବଦଳରେ କେଉଁ ଦଳ ଖେଳିବା ତାହା ଶୀଘ୍ର ଘୋଷଣା କରାଯିବ ବୋଲି ଏଫ୍ଆଇଏଚ୍ କହିଛି।
ପ୍ରତିଯୋଗିତାର ଗ୍ରୁପ୍ ‘ବି’ରେ ଭାରତ, ଚିଲି ଓ ସୁଇଜରଲାଣ୍ଡ ସହ ପାକିସ୍ତାନ ସ୍ଥାନ ପାଇଥିଲା। ପାକିସ୍ତାନ ସ୍ଥାନରେ କେଉଁ ଦଳକୁ ଗ୍ରୁପ୍ ‘ବି’ରେ ସ୍ଥାନ ମିଳୁଛି ତାହାକୁ ଅପେକ୍ଷା କରାଯାଇଛି।
ପାକିସ୍ତାନ ଏହାକୁ ମିଶାଇ ଭାରତରେ ଅନୁଷ୍ଠିତ ଦ୍ୱିତୀୟ ଇଭେଣ୍ଟରୁ ଓହରିଲା। ଏହାପୂର୍ବରୁ ଚଳିତବର୍ଷ ଅଗଷ୍ଟ ୨୯ରୁ ସେପ୍ଟେମ୍ବର ୭ପର୍ଯ୍ୟନ୍ତ ବିହାରର ରାଜଗିରିରେ ଅନୁଷ୍ଠତି ପୁରୁଷ ଏସିଆ କପ୍ରୁ ମଧ୍ୟ ପାକିସ୍ତାନ ଓହରିଯାଇଥିଲା। ଏପ୍ରିଲ ୨୨ରେ ପହଲଗାମ୍ ଆତଙ୍କବାଦୀ ଆକ୍ରମଣ ପରେ ଭାରତର ଅପରେଶନ ସିନ୍ଦୁର କାର୍ଯ୍ୟାନୁଷ୍ଠାନ ପରେ ଭାରତ ଓ ପାକିସ୍ତାନ ମଧ୍ୟରେ କ୍ରୀଡ଼ା ସମ୍ପର୍କରେ ତିକ୍ତତା ଦେଖା ଦେଇଛି।
Dharitri – Odisha’s No.1 Odia Daily
