ନୂଆଦିଲ୍ଲୀ,୫।୨: ପାକିସ୍ତାନ ପ୍ରଧାନମନ୍ତ୍ରୀ ଶେହବାଜ ଶରିଫ ବୁଧବାର ଦିନ ଭାରତ ବିପକ୍ଷରେ ଟି-୨୦ ବିଶ୍ୱକପ୍ ମ୍ୟାଚ୍ ବର୍ଜନ କରିବାର ଦେଶର ନିଷ୍ପତ୍ତିକୁ ଦୋହରାଇଛନ୍ତି । ସେ କହିଛନ୍ତି ଯେ ପାକିସ୍ତାନ ଫେବୃଆରୀ ୧୫ ତାରିଖରେ ଶ୍ରୀଲଙ୍କାରେ ହେବାକୁ ଥିବା ମ୍ୟାଚ୍ ଉପରେ ସ୍ପଷ୍ଟ ମତ ରଖିଛି ।
ପାକିସ୍ତାନୀ ଖବରକାଗଜରେ ଏହି ସୂଚନା ପ୍ରକାଶ ପାଇଛି। ଇସଲାମାବାଦରେ କେନ୍ଦ୍ର କ୍ୟାବିନେଟକୁ ସମ୍ବୋଧିତ କରି ପାକିସ୍ତାନୀ ପ୍ରଧାନମନ୍ତ୍ରୀ କହିଛନ୍ତି ଯେ ଆମେ ଟି-୨୦ ବିଶ୍ୱକପ୍ରେ ଭାରତ ବିପକ୍ଷରେ ଖେଳିବୁ ନାହିଁ। ଶେହବାଜ ଶରିଫ କହିଛନ୍ତି ଯେ ସେ ସତର୍କତାର ସହ ମୂଲ୍ୟାଙ୍କନ କରିବା ପରେ ଭାରତ ବିପକ୍ଷରେ ମ୍ୟାଚ୍ ବର୍ଜନ କରିବାକୁ ନିଷ୍ପତ୍ତି ନେଇଛନ୍ତି । କ୍ରୀଡ଼ାରେ କୌଣସି ରାଜନୀତି ହେବା ଉଚିତ୍ ନୁହେଁ । ସେ ଏହାକୁ ଏକ “ନ୍ୟାୟପୂର୍ଣ୍ଣ ନିଷ୍ପତ୍ତି” ବୋଲି କହିଛନ୍ତି ।
ପୂର୍ବରୁ, ପାକିସ୍ତାନ ଟି-୨୦ ବିଶ୍ୱକପ୍ରେ ଭାରତ ବିପକ୍ଷରେ ଏହାର ଗ୍ରୁପ୍ ଲେବଲ ମ୍ୟାଚ୍ ବର୍ଜନ କରିବାକୁ ନିଷ୍ପତ୍ତି ନେଇଥିଲା। ଆଇସିସି ଟି-୨୦ ବିଶ୍ୱକପ୍ରେ ଭାରତ ବିପକ୍ଷରେ ପାକିସ୍ତାନର ରେକର୍ଡ ବହୁତ ଖରାପ ରହିଛି । ଦୁଇ ଦଳ ଆଠ ଥର ଭେଟିଛନ୍ତି, ଯାହାର ଫଳାଫଳ ଭାରତ ସପକ୍ଷରେ ୭-୧ ରହିଛି ।
