ହାଇଦ୍ରାବାଦ,୧୧।୧୦: ପାକିସ୍ତାନ କ୍ରିକେଟ ଦଳ ଗତ ଦୁଇ ସପ୍ତାହ ହାଇଦ୍ରାବାଦରେ ଥିଲା। ପାକିସ୍ତାନ ଏଠାରେ ଉଭୟ ୱାର୍ମ ଅପ ମ୍ୟାଚ ଖେଳିଥିଲା। ଏହା ପରେ ପାକିସ୍ତାନ ମଧ୍ୟ ଏହି ସହରରେ ବିଶ୍ୱକପ ୨୦୨୩ର ପ୍ରଥମ ଦୁଇଟି ମ୍ୟାଚ ଖେଳିଥିଲା। ଏବେ ପାକିସ୍ତାନକୁ ଅହମ୍ମଦାବାଦରେ ଭାରତ ବିପକ୍ଷରେ ପରବର୍ତ୍ତୀ ମ୍ୟାଚ ଖେଳିବାକୁ ପଡ଼ିବ। ଏଭଳି ପରିସ୍ଥିତିରେ ପାକ ସ୍କ୍ବାଡ ବର୍ତ୍ତମାନ ଅହମ୍ମଦାବାଦ ଅଭିମୁଖେ ଯାତ୍ରା କରିଛି। କିନ୍ତୁ ହାଇଦ୍ରାବାଦ ଛାଡିବା ପୂର୍ବରୁ ପାକିସ୍ତାନୀ ଖେଳାଳିମାନେ ଏପରି କିଛି କରିଥିଲେ, ଯାହା ପାଇଁ ସୋସିଆଲ ମିଡିଆରେ ସେମାନଙ୍କୁ ପ୍ରଶଂସା କରାଯାଉଛି।
ଅକ୍ଟୋବର ୧୦ରେ ହାଇଦ୍ରାବାଦର ରାଜୀବ ଗାନ୍ଧୀ ଅନ୍ତର୍ଜାତୀୟ କ୍ରିକେଟ ଷ୍ଟାଡିୟମରେ ଅନୁଷ୍ଠିତ ବିଶ୍ୱକପ ମ୍ୟାଚରେ ପାକିସ୍ତାନ ଦଳ ଶ୍ରୀଲଙ୍କାକୁ ପରାସ୍ତ କରିଥିଲା, ତୁରନ୍ତ ଏହା ପରେ ପାକିସ୍ତାନ ଅଧିନାୟକ ବାବର ଆଜମ ତାଙ୍କ ଦଳର ଏକ ଜର୍ସି ଗ୍ରାଉଣ୍ଡ୍ସ ମ୍ୟାନ୍ଙ୍କୁ ଉପହାର ଦେଇଥିଲେ। ଏହି ସମୟରେ ପୁରା ଗ୍ରାଉଣ୍ଡ କର୍ମଚାରୀ ବାବର ଆଜମଙ୍କ ସହ ଫଟୋ ଉଠାଇଥିଲେ। ଆଇସିସି ଏହି ଫଟୋଗୁଡ଼ିକୁ ଇନଷ୍ଟାଗ୍ରାମରେ ଶେୟାର କରିଛି।
ବିଶ୍ୱକପ ୨୦୨୩ରେ ପାକିସ୍ତାନ ପାଇଁ ହାଇଦ୍ରାବାଦ ଗ୍ରାଉଣ୍ଡ ବହୁତ ଭଲ ପ୍ରମାଣିତ ହୋଇଥିଲା। ଏଠାରେ ପ୍ରଥମ ମ୍ୟାଚ୍ରେ ପାକିସ୍ତାନ ଦଳ ନେଦରଲାଣ୍ଡକୁ ଏବଂ ଦ୍ୱିତୀୟ ମ୍ୟାଚ୍ରେ ବିଶ୍ୱକପ ଇତିହାସରେ ସବୁଠୁ ବଡ଼ ୩୪୫ ରନ ଲକ୍ଷ୍ୟ ହାସଲ କରି ପାକିସ୍ତାନ ଶ୍ରୀଲଙ୍କା ବିପକ୍ଷରେ ଜିତିଥିଲା।
