ନୂଆଦିଲ୍ଲୀ,୮।୩ : ଓଓ୍ବାଇଓ ପ୍ରତିଷ୍ଠାତା ରିତେଶ ଅଗ୍ରୱାଲ ବିବାହ ବନ୍ଧନରେ ବାନ୍ଧି ହୋଇଛନ୍ତି। ଦିଲ୍ଲୀରେ ରିତେଶଙ୍କ ବିବାହ ଭୋଜିରେ ଯୋଗ ଦେଇଥିବା କର୍ପୋରେଟ ନେତାଙ୍କ ମଧ୍ୟରେ ସଫ୍ଟବ୍ୟାଙ୍କ ସିଇଓ ମାସାୟୋଶୀ ସୋନ ଉପସ୍ଥିତ ଥିଲେ। ରିତେଶ ଏବଂ ତାଙ୍କ ସ୍ତ୍ରୀ ଗୀତାଂଶା ସୁଦ ୬୫ ବର୍ଷୀୟ ମାସାୟୋନିଙ୍କ ପାଦ ଛୁଇଁ ଆଶୀର୍ବାଦ ନେଇଥିଲେ। ଏହି ଫଟୋ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି।
ଗତକାଲି ରିତେଶ ଗୀତାଂଶା ସୁଦଙ୍କୁ ବିବାହ କରିଥିଲେ। ଏହି କାର୍ଯ୍ୟକ୍ରମରେ ପେଟିଏମର ବିଜୟ ଶେଖର ଶର୍ମା ଏବଂ ଲେନ୍ସକାର୍ଟର ପୀୟୁଷ ବନସାଲଙ୍କ ସମେତ ଅନେକ କର୍ପୋରେଟ ନେତା ଉପସ୍ଥିତ ଥିଲେ। ବିବାହ ଉତ୍ସବରେ ଅନେକ ରାଜନେତା ମଧ୍ୟ ଯୋଗ ଦେଇଥିଲେ।
ଗତ ମାସରେ ରିତେଶ ତାଙ୍କ ମା ଏବଂ ଗୀତାଂଶା ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଭେଟି ତାଙ୍କୁ ତାଙ୍କ ବିବାହ ଉତ୍ସବରେ ଯୋଗଦେବା ଲାଗି ନିମନ୍ତ୍ରଣ କରିଥିଲେ। ଅନଲାଇନରେ ଶେୟାର ହୋଇଥିବା ଫଟୋରେ ଆଶୀର୍ବାଦ ପାଇଁ ସେମାନେ ମୋଦିଙ୍କ ପାଦ ଛୁଇଁଥିବାର ନଜର ଆସିଥିଲେ। ରିତେଶ ମଧ୍ୟ ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କୁ ଭେଟି ତାଙ୍କ ଆଶୀର୍ବାଦ ଲୋଡିଥିଲେ।
