ନୂଆଦିଲ୍ଲୀ: ଓୟୋ ରୁମ୍ସ ଦେବାଳିଆ ହେବା ଫଳରେ ବ୍ୟାଙ୍କ୍ରପ୍ସି ଫାଇଲିଂ କରିଥିବା ଏକ ଖବର ଗଣମାଧ୍ୟମରେ ପ୍ରକାଶ ପାଇଥିଲା। ଏହାକୁ ନେଇ କମ୍ପାନୀର ପ୍ରତିଷ୍ଠାତା ରିତେଶ ଅଗ୍ରଓ୍ବାଲ ଟୁଇଟ ଯୋଗେ ସ୍ପଷ୍ଟୀକରଣ ଦେଇଛନ୍ତି। ଟୁଇଟରେ ସେ କହିଛନ୍ତି, ଓୟୋ ବ୍ୟାଙ୍କ୍ରପ୍ସି ଫାଇଲିଂ କରିନାହିଁ। ଏଭଳି ଖବରର କୌଣସି ସତ୍ୟତା ନାହିଁ। ଓୟୋ ବ୍ୟାଙ୍କ୍ରପ୍ସି ଫାଇଲିଂ କରିଥିବା ଏକ ପିଡିଏଫ୍ ଏବଂ ମେସେଜ ପ୍ରସାରିତ ହେଉଥିବା ଦେଖିବାକୁ ମିଳିଛି, ଯାହା ସମ୍ପୂର୍ଣ୍ଣ ଭାବେ ସତ ନୁହେଁ। ଆମର ଏକ ସହଯୋଗୀ ସଂସ୍ଥା ପରିଚାଳନା ଗତ ଋଣ ପ୍ରଦାନକାରୀଙ୍କ କିଛି ପରିମାଣର ଅର୍ଥ ବର୍ତ୍ତମାନ ପଇଠ କରିବାକୁ ସମସ୍ୟା ଉପୁଜିଛି। ଫଳରେ ସେମାନେ ଏନ୍ସିଏଲ୍ଟିଙ୍କ ନିକଟରେ କର୍ପୋରେଟ ଇନ୍ସଲଭେନ୍ସି ଆବେଦନ କରିଛନ୍ତି। ଏହି ଆବେଦନକୁ ଏନ୍ସିଏଲ୍ଟି ଗ୍ରହଣ କରିଛନ୍ତି। ଏନ୍ସିଏଲ୍ଟି ଅର୍ଡରକୁ ବର୍ତ୍ତମାନ ନ୍ୟାଶନାଲ କମ୍ପାନୀ ଲ ଆପିଲେଟ ଟ୍ରିବ୍ୟୁନାଲ(ଏନ୍ସିଏଲ୍ଏଟି)ରେ ଆବେଦନ କରାଯାଇଥିବା ରିତେଶ କହିଛନ୍ତି। ବିବାଦୀୟ ରାଶିକୁ ବର୍ତ୍ତମାନ ପଇଠ କରାଯାଇଥିବା ରିତେଶ ସ୍ପଷ୍ଟ କରିଛନ୍ତି। ଉଲ୍ଲେଖଯୋଗ୍ୟ, ମାମଲା ବର୍ତ୍ତମାନ ବିଚାରାଧୀନ ରହିଛି।
