ନୂଆଦିଲ୍ଲୀ,୨୬।୫: ପାପୁଆ ନ୍ୟୁ ଗିନିରେ ଏକ ବଡ଼ ଧରଣର ଭୂସ୍ଖଳନ ପରେ ୬୭୦ ରୁ ଅଧିକ ଲୋକଙ୍କର ମୃତ୍ୟୁ ହୋଇଥିବା ଜଣାପଡିଛି। ଜାତିସଂଘର ଏଜେନ୍ସିର ଅଧିକାରୀ ସେରହାନ ଆପ୍ଟୋପ୍ରାକ୍ କହିଛନ୍ତି ଯେ ବର୍ତ୍ତମାନ ପ୍ରାୟ ୧୫୦ରୁ ଉର୍ଦ୍ଧ ଘର ପୋତି ହୋଇ ରହିଛି। ଏଥିରେ ୬୭୦ ରୁ ଉର୍ଦ୍ଧ ଲୋକେ ମୃତ ବୋଲି ଅନୁମାନ କରାଯାଉଛି।
ପୋର୍ଟ ମୋରେସବିରେ ଅବସ୍ଥାପିତ ଆପ୍ଟୋପ୍ରାକ୍ କହିଛନ୍ତି ଯେ “ଭୂସ୍ଖଳନ ଅତ୍ୟନ୍ତ ଭୟଙ୍କର ସ୍ଥିତି ସୃଷ୍ଟି କରିଛି। ଏହାପରେ ଏହି ସ୍ଥାନରେ ପାଣି ଚାଲୁଥିବାରୁ ଉଦ୍ଧାର କାର୍ଯ୍ୟ ବାଧାପ୍ରାପ୍ତ ହେଉଛି।
ଶୁକ୍ରବାର ପୂର୍ବାହ୍ନରେ ଭୂସ୍ଖଳନ ଘଟିବା ପରେ ଏଙ୍ଗା ପ୍ରଦେଶର ଏକଦା ପାହାଡ଼ିଆ ପାର୍ଶ୍ଵବର୍ତ୍ତୀ ଗାଁ ପ୍ରାୟ ସଂପୂର୍ଣ୍ଣ ଭାବେ ନଷ୍ଟ ହୋଇଯାଇଥିଲା। ମାଟି ତଳେ ପୋତି ହୋଇଥିବା ଶବକୁ ବାହାର କରିବା ପାଇଁ ଲୋକମାନେ ବାଡ଼ି, କୋଦାଳ ବ୍ୟବହାର କରୁଛନ୍ତି ବୋଲି ଆପ୍ଟୋପ୍ରାକ୍ କହିଛନ୍ତି।
ଏହି ପ୍ରାକୃତିକ ବିପର୍ୟ୍ୟୟ ଦ୍ୱାରା ୧୦୦୦ ରୁ ଅଧିକ ଲୋକ ବିସ୍ଥାପିତ ହୋଇଥିଲା ବେଳେ ଅଞ୍ଚଳରେ ଖାଦ୍ୟ ଏବଂ ପାନୀୟ ଜଳ ଯୋଗାଣ ପ୍ରାୟ ସମ୍ପୂର୍ଣ୍ଣ ନଷ୍ଟ ହୋଇଯାଇଛି ବୋଲି ସେ କହିଛନ୍ତି। ସହାୟତା ଏଜେନ୍ସି ଏବଂ ସ୍ଥାନୀୟ ନେତାମାନେ ପ୍ରଥମେ ଭୟ କରୁଥିଲେ ୧୦୦ ରୁ ୩୦୦ ଲୋକ ଏହି ବିପର୍ୟ୍ୟୟରେ ପ୍ରାଣ ହରାଇଥିବେ। କିନ୍ତୁ ଏହି ସଂଖ୍ୟା ୬୭୦ ପାର କରିଛି। ସେହିପରି ଉଦ୍ଧାର ସମୟରେ ଉଦ୍ଧାରକାରୀମାନେ ଅନୁଭବ କରିଥିଲେ ଯେ ଗାଁରେ ଅଧିକ ଲୋକ ବାସ କରୁଛନ୍ତି।
ତେବେ ପ୍ରଭାବିତ ହୋଇଥିବା ଗ୍ରାମରେ ୪୦୦୦ ଲୋକେ ବସବାସ କରୁଥିଲେ ବୋଲି ଜଣାପଡିଛି। ଅଞ୍ଚଳରେ ଏଭଳି ପ୍ରାକୃତିକ ବିପତ୍ତି ସମୟରେ ଏଠାକାର ଆଦିବାସୀ ଲୋକମାନଙ୍କ ମଧ୍ୟରେ ବିବାଦ ଆରମ୍ଭ ହୋଇଥିବା ଦେଖାଦେଇଛି।
ତେଣୁକରି ଉଦ୍ଧାରକାର୍ଯ୍ୟ କିପରି ପ୍ରଭାବିତ ନ ହେବ ଏବଂ ଆହତ ମାନଙ୍କୁ କିପରି ହସପିଟାଲକୁ ନିଆଯିବ ସେ ନେଇ ସେନା ଦାୟିତ୍ୱ ନେଇଛି।
ଭୂସ୍ଖଳନର କିଛି କିଛି ସ୍ଥାନରେ କାର ଆକାରର ବିରାଟ ବିରାଟ ପଥର(ଯାହାର ଆକାର ୨୬ ଫୁଟ) ଯାହା ସେଠାରେ ଥିବା ଅନେକ ଗଛକୁ ଭାଙ୍ଗି ଦେଇଛନ୍ତି। ତେବେ ପ୍ରବଳ ବର୍ଷ କାରଣରୁ ଏହି ଭୂସ୍ଖଳନ ଘଟିଥିବା ସ୍ଥାନୀୟ ଲୋକେ କହିଛନ୍ତି, ଗତ କିଛି ସପ୍ତାହ ହେଲା ଏଠାରେ ପ୍ରବଳ ବର୍ଷା ଲାଗିରହିଥିଲା।
ବିଶ୍ୱ ବ୍ୟାଙ୍କ ରିପୋର୍ଟ ଅନୁଯାୟୀ ପାପୁଆ ନ୍ୟୁ ଗିନିରେ ପୃଥିବୀର ସବୁଠାରୁ ଆର୍ଦ୍ର ଜଳବାୟୁ ରହିଛି। ବିଶ୍ୱ ବ୍ୟାଙ୍କ ଅନୁଯାୟୀ, ପ୍ରବଳ ବର୍ଷା ଦ୍ୱାରା ଏଠାରେ ଭୟଙ୍କର ପ୍ରାକୃତିକ ବିପର୍ଯ୍ୟ ଦେଖାଦେଇପରେ।
ବିପର୍ଯ୍ୟୟ ପରେ ଲୋକମାନେ ବଡ଼ ବଡ଼ ପଥର ଖଣ୍ଡକୁ ହଟାଇ କଳଙ୍କି ଲାଗିଥିବା କର୍କଟ ତଳେ ଆଶ୍ରୟ କରୁଥିବା ରିପୋରଟେ ଜଣାପଡିଛି ।
ତେବେ ଉଦ୍ଧାରକାର୍ଯ୍ୟ ପାଇଁ ବହୁ ଆବଶ୍ୟକୀୟ ଭାରୀ ଯନ୍ତ୍ର ରବିବାର ଉକ୍ତ ସ୍ଥାନରେ ପହଞ୍ଚିବା ଆରମ୍ଭ କରିବ ବୋଲି ଆଶା କରାଯାଉଛି।
