ବରଗଡ଼ ଅଫିସ,୬ା୭: ପରୀକ୍ଷା ପାଇଁ ସ୍ବାବ୍ ନମୁନା ସଂଗ୍ରହକୁ ବିରୋଧ କରିବା ମହଙ୍ଗା ପଡ଼ିଛି। ବରଗଡ଼ ଜିଲା ଅମ୍ବାଭୋନା ଥାନା ଭୁକ୍ତା ଅଞ୍ଚଳରେ ଏଭଳି ଏକ ଘଟଣା ଘଟିଛି। ସୋମବାର ଏ ନେଇ ଜିଲା ସୂଚନା ଓ ଲୋକସମ୍ପର୍କ ଅଧିକାରୀ କଲ୍ୟାଣୀ ଦାଶ ସୂଚନା ଦେଇଛନ୍ତି ଯେ, ଗତ ୩ ତାରିଖରେ ଉର୍ମିଳା ସହରାଙ୍କ ସମେତ ଏକ ସ୍ବାସ୍ଥ୍ୟ ଟିମ୍ ଭୁକ୍ତା ଗ୍ରାମର ଗୋପାଳ ପାତିକାର(୫୦)ଙ୍କ ସ୍ବାବ୍ ନମୁନା ସଂଗ୍ରହ ପାଇଁ ଯାଇଥିଲେ। ମାତ୍ର ସେତେବେଳେ ଗୋପାଳ ଏବଂ ତାଙ୍କ ସମ୍ପର୍କୀୟ ମାଧ ପାତିକାର(୫୦) ଓ ସୌଦାଗର ପାତିକାର(୩୫) ସ୍ବାବ ନମୁନା ସଂଗ୍ରହକୁ ବିରୋଧ କରିବା ସହିତ ସ୍ବାସ୍ଥ୍ୟଟିମ୍କୁ ଗାଳିଗୁଲଜ କରିଥିବା ଅଭିଯୋଗ ହୋଇଛି। ଏ ନେଇ ଉର୍ମିଳାଙ୍କ ଏତଲାକୁ ଭିତ୍ତି କରି ଉପରୋକ୍ତ ୩ଜଣଙ୍କ ବିରୋଧରେ ଅମ୍ବାଭୋନା ଥାନାରେ ଏକ ମାମଲା ୧୦୩/୨୦ରେ ରୁଜୁ ହୋଇଥିବା କହିଛନ୍ତି।
