ନୂଆଦିଲ୍ଲୀ,୮।୧: ଦେଶର ପ୍ରମୁଖ ଘରୋଇ ସଂସ୍ଥା ତଥା ଅଗ୍ରଣୀ ଇଲେକ୍ଟ୍ରିକ ଭେଇକିଲ (ଇଭି) ବ୍ରାଣ୍ଡ ‘ଓକାୟା ଇଭି’ର ନୂତନ ବ୍ରାଣ୍ଡ ପରିଚୟ (ରିବ୍ରାଣ୍ଡିଙ୍ଗ) ‘ଓଟିଜି ମୋବିଲିଟି’ର ଅନାବରଣ ସର୍ବଭାରତୀୟସ୍ତରରେ ହୋଇଯାଇଛି। ଏପରିକି ଏହି ରିବ୍ରାଣ୍ଡିଙ୍ଗ୍ ଭାରତର ଗତିଶୀଳ ଉପଭୋକ୍ତାଙ୍କ ବିକଶିତ ଆବଶ୍ୟକତାକୁ ପୂରଣ କରୁଥିବା ଅତ୍ୟାଧୁନିକ ଡିଜାଇନ, ଭବିଷ୍ୟତ ପ୍ରସ୍ତୁତ ଟେକ୍ନୋଲୋଜି, ମଜବୁତ ଓ ସୁରକ୍ଷିତ ଉପତ୍ାଦଗୁଡିକ ପ୍ରତି କମ୍ପାନୀର ଦୃଢ ପ୍ରତିବଦ୍ଧତାକୁ ପ୍ରତିଫଳନ କରୁଛି। ସେହିଭଳି ବଜାରରେ ବଢୁଥିବା ଚାହିଦାକୁ ପୂରଣ କରିବା ପାଇଁ ଓପିଜି ମୋବିଲିଟି ଦେଶବ୍ୟାପୀ ଏକ ବିସ୍ତୃତ ଡିଲର ନେଟ୍ୱର୍କର ଉପଯୋଗ କରିବ। ଏପରିକି ଏହି ନୂତନ ବ୍ରାଣ୍ଡ ଦୁଇଟି ସବ୍-ବ୍ରାଣ୍ଡ ପ୍ରିମିୟମ ଇଲେକ୍ଟ୍ରିକ ମୋଟରସାଇକେଲ ଏବଂ ସ୍କୁଟରଗୁଡିକ ପାଇଁ ଉତ୍ସର୍ଗୀକୃତ ‘ଫେରାଟୋ’ ଏବଂ ଯାତ୍ରୀବାହୀ ଓ କାର୍ଗୋ ତିନିଚକିଆ ଯାନଗୁଡିକ ଉପରେ ଗୁରୁତ୍ୱ ଦେଉଥିବା ‘ଓଟିଟିଓପିଜି’କୁ ମଧ୍ୟ ବ୍ରାଣ୍ଡରେ ଅନ୍ତର୍ଭୁକ୍ତ କରିବ। ସେହିପରି ଭାରତ ମୋବିଲିଟି ଗ୍ଲୋବାଲ ଏକ୍ସପୋ-୨୦୨୫ରେ ‘ଓପିଜି ମୋବିଲିଟି’ ବ୍ରାଣ୍ଡିଙ୍ଗ୍ ଅଧିନରେ ବ୍ରାଣ୍ଡର ପ୍ରଥମ ଉପତ୍ାଦକୁ ଆନୁଷ୍ଠାନିକ ଭାବେ ଶୁଭାରମ୍ଭ କରାଯିବ ଏବଂ ବ୍ରାଣ୍ଡର ଉନ୍ନତ ଇଲେକ୍ଟ୍ରିକ ଯାନଗୁଡିକର ସମ୍ପୂର୍ଣ୍ଣ ରେଞ୍ଜକୁ ମଧ୍ୟ ମେଳାରେ ପ୍ରଦର୍ଶିତ କରାଯିବ। ଏଥିରେ ବର୍ଦ୍ଧିତ ଉପତ୍ାଦ ଦକ୍ଷତା ସହିତ ବିଦ୍ୟମାନ ମଡେଲଗୁଡିକ ମଧ୍ୟ ଅନ୍ତର୍ଭୁକ୍ତ ରହିବ। ଯେଉଁଥିରେ ଓପିଜି ମୋବିଲିଟି ଲୋଗୋ ରହିବ। ଏ ସମ୍ପର୍କରେ ଓପିଜି ମୋବିଲିଟିର ଏମଡି ଅଂଶୁଲ ଗୁପ୍ତା କହିଛନ୍ତି, ବ୍ୟାଟେରୀ ଓ ଇଲେକ୍ଟ୍ରୋନିକ୍ସ ସେକ୍ଟରରେ ଦୀର୍ଘ ବର୍ଷର ନେତୃତ୍ୱ ପରେ ଆମେ ଓକାୟା ଇଭିରୁ ଓପିଜି ମୋବିଲିଟିକୁ ବିକଶିତ ହୋଇ ଉତ୍ସାହିତ ଅଛୁ, ଯାହା ସମ୍ପୂର୍ଣ୍ଣ ଇଲେକ୍ଟ୍ରିକ ଭେଇକିଲ ସଲ୍ୟୁଶନଗୁଡିକର ଏକ ସାମଗ୍ରିକ ପ୍ରଦାତା ହୋଇପାରିଛି। ଏହି ରିବ୍ରାଣ୍ଡିଙ୍ଗ କେବଳ ଏକ ନୂତନ ନାମ ସମ୍ପର୍କିତ ନୁହେଁ ବରଂ ଏହା ଭାରତର ଦ୍ରୁତ ବିକଶିତ ଇଭି ବଜାରରେ ସର୍ବୋଗ୍ରେ ରହିବା ପାଇଁ ଏକ ରଣନୈତିକ ପଦକ୍ଷେପ ବୋଲି କୁହାଯାଉଛି।
