ଭୁବନେଶ୍ୱର, ୫।୧୧: ତୃଣମୂଳ ସ୍ତରରେ କ୍ରୀଡାକୁ ପ୍ରୋତ୍ସାହିତ କରିବା ଲାଗି ରାଜ୍ୟ ସରକାରଙ୍କର କ୍ରୀଡା ବିଭାଗ ପକ୍ଷରୁ ବ୍ଲକ୍ ଏବଂ ବିଜ୍ଞାପିତ ଅଞ୍ଚଳ ପରିଷଦଠାରୁ ଆରମ୍ଭ କରି ମହାନଗର ନିଗମ ପର୍ଯ୍ୟନ୍ତ ପ୍ରତ୍ୟେକ ସ୍ତରରେ ବିଭିନ୍ନ କ୍ରୀଡା ପ୍ରତିଯୋଗିତା ଆୟୋଜନ କରାଯିବ। କ୍ରିକେଟ, ହକି, ଫୁଟବଲ୍, କବାଡି, ଖୋ-ଖୋ, ଭଲିବଲ୍ ଭଳି ପ୍ରତିଯୋଗିତାଗୁଡ଼ିକରେ ଉଭୟ ପୁରୁଷ ଓ ମହିଳାମାନେ ଭାଗ ନେଇପାରିବେ।
ପ୍ରତିଯୋଗୀଙ୍କର ବୟସ ୧୩ ରୁ ୩୫ ବର୍ଷ ବୟସ ମଧ୍ୟରେ ହୋଇଥିବା ଆବଶ୍ୟକ। ନିଜ ଅଞ୍ଚଳର ଇଚ୍ଛୁକ ଖେଳକୁଦ ପ୍ରତିଭାଧାରୀମାନେ ଏହି ପ୍ରତିଯୋଗିତାଗୁଡ଼ିକରେ ଭାଗ ନେଇପାରିବେ। ଏଥିପାଇଁ ଆଜିଠାରୁ ୨୦ ତାରିଖ ପର୍ଯ୍ୟନ୍ତ ଅନ୍ଲାଇନ୍ ଜରିଆରେ ନାମ ପଞ୍ଜୀକରଣ ଆରମ୍ଭ ହୋଇଛି। ଅନ୍ଲାଇନ୍ ପୋର୍ଟାଲଟି ହେଉଛି sports.odisha.gov.in.।
