ନୂଆଦିଲ୍ଲୀ, ୧୫।୯: କେନ୍ଦ୍ର ସରକାର ପିଆଜ ରପ୍ତାନିକୁ ସୋମବାରଠାରୁ ବ୍ୟାନ କରିଛନ୍ତି। ଦେଶର ଦକ୍ଷିଣ ଭାଗରେ ରହିଥିବା ରାଜ୍ୟଗୁଡିକରେ ଲଗାଣ ବର୍ଷା ଯୋଗୁ ଏହା ଫସଲ ନଷ୍ଟ କରିଛି। ଏଥି ଯୋଗୁ ପିଆଜ ଦର ଉପରେ ମଧ୍ୟ ପ୍ରଭାବ ପଡିଛି। ସବୁ ବର୍ଗର ପିଆଜ ରପ୍ତାନି ଉପରେ କଟକଣା ଲଗାଯାଇଥିବା ଜଣାପଡିଛି। ଭାରତ ପିଆଜ ରପ୍ତାନିରେ ଏକ ପ୍ରମୁଖ ସ୍ଥାନରେ ରହିଛି। ହେଲେ ବର୍ତ୍ତମାନ ବଜାରରେ ସମସ୍ୟା ରହିଥିବା ଯୋଗୁ ସରକାର କଟକଣା ଲଗାଇଥିବା ଦେଖାଯାଇଛି। ସୂଚନା ଯୋଗ୍ୟ, ଯୋଗାଣ ପ୍ରଭାବିତ ହେବା ଫଳରେ ବଜାର ଉପରେ ଏହାର ଚାପ ରହିଛି। ପିଆଜ ଦର ବଢିଲେ ଏହା ଖାଉଟିଙ୍କ ଚିନ୍ତା ବଢାଇଥାଏ। ଏହାକୁ ଧ୍ୟାନରେ ରଖି କେନ୍ଦ୍ର ସରକାର ରପ୍ତାନି ଉପରେ କଟକଣା ଲଗାଇଥିବା ସରକାରଙ୍କ ଜଣେ ବରିଷ୍ଠ ଅଧିକାରୀ ସୂଚନା ଦେଇଛନ୍ତି।
