ନୂଆଦିଲ୍ଲୀ: କରୋନା ମହାମାରୀ ଯୋଗୁ ପ୍ରଭାବିତ ହୋଇଥିବା ଫୁଡ୍ ସର୍ଭିସେସ୍ ଇଣ୍ଡଷ୍ଟ୍ରିଜରେ ପୁଣି ଥରେ ସୁଧାର ପରିଲକ୍ଷିିତ ହୋଇଛି। ଏକ ରିପୋର୍ଟ ମୁତାବକ, ଏହି ଶିଳ୍ପ ୨୦୨୧ରେ ପୁଣି ଥରେ ୧୦ ଲକ୍ଷ ଲୋକଙ୍କୁ ରୋଜଗାର ପ୍ରଦାନ କରିବ। ସର୍ଭିସ ଯୋଗାଣକାରୀ କମ୍ପାନୀ ଡାଇନ ଆଉଟର ରିପୋର୍ଟ ମୁତାବକ, ୨୦୨୧ ସୁଦ୍ଧା ୯୦% ରେଷ୍ଟୁରାଣ୍ଟ ଡିଜିଟାଲ ମେନ୍ୟୁ ବ୍ୟବସ୍ଥା ଆପଣାଇବେ। ଡାଇନ ଆଉଟର ଚିଫ୍ ଏକଜିକ୍ୟୁଟିଭ ଅଙ୍କିତ ମେହେରୋତ୍ରା କହିଛନ୍ତି, ରେଷ୍ଟୁରାଣ୍ଟ ଶିଳ୍ପ ସବୁଠାରୁ ସଙ୍କଟ ସ୍ଥିତି ଦେଇ ଗତି କରିଛି। ବର୍ତ୍ତମାନ ଅବସ୍ଥାରେ ସୁଧାର ପରିଲକ୍ଷିତ ହେଉଛି। ଶିଳ୍ପରେ ଏବେ ବଡ ପରିବର୍ତ୍ତନ ଦେଖାଯିବ। ଲୋକମାନେ ବର୍ତ୍ତମାନ ସ୍ବାସ୍ଥ୍ୟବର୍ଦ୍ଧକ ଖାଦ୍ୟ ଉପରେ ପ୍ରାଥମିକତା ଦେଉଛନ୍ତି। ରିପୋର୍ଟ ମୁତାବକ, ୧୦୦% ଉପଭୋକ୍ତା କଣ୍ଟାକ୍ଟ ଲେସ୍ ଏବଂ ଡିଜିଟାଲ ନେଣଦେଣ ଆଡ଼କୁ ଅଗ୍ରସର ହେଉଛନ୍ତି। ସେହିଭଳି ଟେକ୍ଆଉଟ ବା ପାର୍ସଲ ନେଇଯିବା ଉପରେ ଲୋକମାନେ ଏବେ ଗୁରୁତ୍ୱ ଦେଉଛନ୍ତି। ସୂଚନାଯୋଗ୍ୟ, ଏହି ଶିଳ୍ପ ୭୦ ଲକ୍ଷ ଲୋକଙ୍କୁ ରୋଜଗାର ଦେଇଥିଲା। ହେଲେ କରୋନା ଯୋଗୁ ହୋଟେଲ, ରେଷ୍ଟୁରାଣ୍ଟ ବନ୍ଦ ରହିବା ଯୋଗୁ ଅନେକଙ୍କ ଚାକିରି ଚାଲିଯାଇଛି। ୩୦% ରେଷ୍ଟୁରାଣ୍ଟ ବନ୍ଦ ହେବା ଯୋଗୁ ଏଭଳି ସ୍ଥିତି ଉପୁଜିଥିବା ଜଣାପଡିଛି।
