ହିଞ୍ଜିଳିକାଟୁ,୨୯।୬(ଦ୍ବିତୀକୃଷ୍ଣ ପଣ୍ଡା): ବିଦ୍ୟୁତ ତାର ସଂସ୍ପର୍ଶରେ ଆସି ବୃଦ୍ଧଙ୍କ ମୃତ୍ୟୁ ଘଟିଛି। ଏଭଳି ଘଟଣା ହିଞ୍ଜିଳି ଥାନା ଅନ୍ତର୍ଗତ ଆଡପଡା ଫାଣ୍ଡି ଅଧିନ କଇଠଡୋ ଗ୍ରାମରେ ଘଟିଛି। ମୃତକ ହେଲେ ହରିମଲ୍ଲ (୮୫)। ଏନେଇ ମୃତକଙ୍କ ପୁଅ ରମେଶ ମଲ୍ଲ ହିଞ୍ଜିଳି ଥାନାରେ ନ୍ୟାୟ ଆଶାରେ ଏକ ଏତଲା ଦେଇଛନ୍ତି ।
ପ୍ରକାଶ ଯେ, କଇଠବେଡା ଗ୍ରାମର ବୃଦ୍ଧ ହରିମଲ୍ଲ ଝିଅ ଘର ମୋହିଗୁଡା ଗ୍ରାମକୁ ଯିବା ସମୟରେ ମୋହିଗୁଡା ଗ୍ରାମ ନିକଟରେ କେନାଲ କାମ ଚାଲିଥିଲା। କେନାଲ କାର୍ଯ୍ୟ କରିବା ନିମନ୍ତେ ଲାଗିଥିବା ବିଦ୍ୟୁତ ତାର ସଂସ୍ପର୍ଶରେ ଆସି ସେଠାରେ ସେ ଅଚେତ ଅବସ୍ଥାରେ ପଡ଼ିଥିଲେ। ଖବରପାଇ ପରିବାର ଲୋକ ଗୁରୁତର ଅବସ୍ଥାରେ ଉଦ୍ଧାର କରି କଙ୍କୋରଡା ସ୍ବାସ୍ଥ୍ୟକେନ୍ଦ୍ରରେ ଚିକିତ୍ସା ନିମନ୍ତେ ଭର୍ତ୍ତି କରିଥିଲେ। ହେଲେ ଡାକ୍ତର ସେଠାରେ ହରିମଲ୍ଲଙ୍କୁ ମୃତ ଘୋଷଣା କରିଥିଲେ। ପୁଅ ରମେଶ ହିଞ୍ଜିଳି ଥାନାରେ ପହଞ୍ଚି ପରିବାରକୁ ନ୍ୟାୟ ଆଶାରେ ଥାନାରେ ଏକ ଏତଲା ଦେଇଛନ୍ତ। ଏ ନେଇ ହିଞ୍ଜିଳି ଥାନାରେ ୪୫୨/୨୩ ରେ ମାମଲା ରୁଜୁ କରି ଘଟଣାସ୍ଥଳରେ ହିଞ୍ଜିଳି ପୋଲିସ ପହଞ୍ଚି ତଦନ୍ତ ଚଳାଇଥିବା ହିଞ୍ଜିଳି ଥାନା ଅଧିକାରୀ ଅଭିମନ୍ୟୁ ଦାସ କହିଛନ୍ତି।
