ଭୁବନେଶ୍ୱର,୧୧।୭: କଂଗ୍ରେସ ନେତା ରାହୁଲ ଗାନ୍ଧୀ ଏବଂ କଂଗ୍ରେସ ସଭାପତି ମଲିକାର୍ଜୁନ ଖାର୍ଗେ ଓଡ଼ିଶା ଗସ୍ତରେ ଆସି ରାଜ୍ୟ ସରକାରଙ୍କ ଉପରେ ବର୍ଷିଛନ୍ତି। ହେଲେ ଏହାର କଡ଼ା ଜବାବ ଦେଇଛନ୍ତି ଭାଜପା ନେତା ତଥା ବରଗଡ଼ ଏମ୍ପି ପ୍ରଦୀପ ପୁରୋହିତ। ଦିନ ଥିଲା, କଂଗ୍ରେସ ବ୍ୟତୀତ ଆଉ କୌଣସି ଦଳକୁ ଲୋକେ ଚିହ୍ନି ନ ଥିଲେ। ଓଡ଼ିଶାରେ କଂଗ୍ରେସର ଲମ୍ବା ଶାସନ ସମୟରେ ଛବିରାଣୀ ଭଳି ଘଟଣା ଘଟିଥିବା ପ୍ରଦୀପ କହିଛନ୍ତି।
ଆଜି କଂଗ୍ରେସ ତୃତୀୟ ସ୍ଥାନକୁ ଖସିଆସି କୃତକର୍ମର ଫଳ ପାଉଛି ବୋଲି ପ୍ରଦୀପ କହିଛନ୍ତି। ଓଡ଼ିଶାବାସୀ କଂଗ୍ରେସ କଥା ଶୁଣିବା ସ୍ଥିତିରେ ନାହାନ୍ତି ବୋଲି ପ୍ରଦୀପ କହି ରାହୁଲ ଏବଂ ଖାର୍ଗେଙ୍କୁ ଟାର୍ଗେଟ କରିଛନ୍ତି।
ଡ୍ରାଇଭରଙ୍କ ଦାବି କିପରି ପୂରଣ କରାଯିବ ସେନେଇ ସରକାର ଉଦ୍ୟମ ଆରମ୍ଭ କରିଥିବା ସେ କହିଛନ୍ତି। ଏପରିକି ରଥଯାତ୍ରାରେ ହୋଇଥିବା ଅଘଟଣକୁ ସରକାର ଗୁରୁତର ସହ ନେଇଛନ୍ତି। ତଦନ୍ତ ଚାଲିଛି, କେଉଁଠି ତ୍ରୁଟି ରହିଲା ତର୍ଜମା ଚାଲଛି। ସର୍ବସାଧାରଣରେ ରିପୋର୍ଟ ପ୍ରକାଶ କରାଯିବ ବୋଲି ପ୍ରଦୀପ କହିଛନ୍ତି। ମୋଦି ପ୍ରଧାନମନ୍ତ୍ରୀ ହେବା ଦିନଠୁ ଅଦାନୀଙ୍କୁ ଟାର୍ଗେଟ କରାଯାଉଛି। ରଥଟଣା ଉପରେ ଅଦାନୀଙ୍କ କୌଣସି ସମ୍ପର୍କ ନାହିଁ ବୋଲି ଭାଜପା ନେତା ପ୍ରଦୀପ ଗଣମାଧ୍ୟମକୁ କହିଛନ୍ତି।
