ଭୁବନେଶ୍ୱର,୧୫।୨: ରାଜ୍ୟ କଂଗ୍ରେସର ମଙ୍ଗ ଦରିଛନ୍ତି Bhakta Das। ଦାୟିତ୍ୱ ସମ୍ଭାଳୁ ସମ୍ଭାଳୁ ଆକ୍ସନ ମୁଡ୍କୁ ଆସିଛନ୍ତି ଭକ୍ତ। Congress ହାତର ହାତମୁଠା ଶକ୍ତ କରିବା ଶୁକ୍ରବାର କ୍ଷମା ପତ୍ର ଜାରି କରିଛନ୍ତି। ଯାହାପରେ ଦଳରୁ ବିଦା ହୋଇଥିବା Sura routray ଶନିବାର ଘରକୁ ବାହୁଡିଛନ୍ତି। ୫୦ ବର୍ଷ କଂଗ୍ରେସରେ ରହିବା ପରେ ସୁରଙ୍କୁ ବିଦା କରିଥିଲା ଦଳ। ହେଲେ କଂଗ୍ରେସ ପାଇଁ ସୁରଙ୍କ ଦରକାର ବୋଲି ଭକ୍ତ ଦାସ କହିବା ପରେ ସୁରଙ୍କ ମନ କୁଣ୍ଢେ ମୋଟ। ସିଧା କହିଛନ୍ତି କଂଗ୍ରେସ ଯାହା କହିବ ତାକୁ ମାନି ନେବି।
ସାନ ପୁଅ ମନ୍ମଥ BJD ରେ ଯୋଗ ଦେବା ଓ ଭୁବନେଶ୍ୱର ସଂସଦୀୟ କ୍ଷେତ୍ର ପାଇଁ ଲଢିବା ଦିନଠୁ କଂଗ୍ରେସ ଏବଂ ସୁରଙ୍କ ମଧ୍ୟରେ ଅପଡ ହୋଇଥିଲା। ବିଭିନ୍ନ ଫୋରମରେ ଦଳ ବିରୋଧୀ ମନ୍ତବ୍ୟ ପାଇଁ ୫୦ ବର୍ଷ ଧରି କଂଗ୍ରେସ ସହିତ ଜଡିତଥିବା ସୁରଙ୍କ ସହିତ ସମ୍ପର୍କ ତୁଟାଇ ଥିଲା ହାତ। ପୁତ୍ର ମୋହରେ ଯଦିଓ ସୁର କଂଗ୍ରେସ ନେତାଙ୍କ ବିରୋଧରେ ବୟାନ ଦେଇଥିଲେ କିନ୍ତୁ ପୁରୁଣା ଦଳ ପ୍ରତି ତାଙ୍କର ପ୍ରୀତି ଯାଇନାହି। ଯାହାକୁ ନେଇ ଏବେ ପିସିସି ସଭାପତି ଭକ୍ତ ଚରଣ ଦାସ କହିଛନ୍ତି ସୁର ଜଣେ କଂଗ୍ରେସ ମ୍ୟାନ। ତାଙ୍କ ଭଳି ଲୋକ କଂଗ୍ରେସ ପାଇଁ ଦରକାର ଅଛି। ସୁର ରାଉତରାୟ ଯଦି ଚାହିଁବେ ତେବେ କଂଗ୍ରେସକୁ ଫେରି ପାରିବେ।
ତେବେ ଆଜି Sura routray ଦଳକୁ ଫେରିବା ପରେ ଚର୍ଚ୍ଚା ହେଉଛି କି ଦଳ ଛାଡିତିବା ସଦସ୍ୟ ପୁରି ଫେରିବେ କି? ନିର୍ବାଚନ ସମୟରେ କଂଗ୍ରେସର ବହୁ ସଦସ୍ୟ ଦଳ ଛାଡି ଟିକେଟ୍ ପାଇଁ BJD ଯୋଗ ଦେଇଥିଲେ। ହେଲେ ଏବେ ବିଜେଡି ଓଡ଼ିଶାରେ ଗାଦିଚ୍ୟୁତ ହୋଇଛି। ଏହିକ୍ରମରେ ସେମାନେ ପୁଣି କଂଗ୍ରେସକୁ ଫେରିବେ କି? ଏହାରି ଭିତରେ କଂଗ୍ରେସକୁ ଫେରିବା ନେଇ ବଡ଼ ସଙ୍କେତ ଦେଇଛନ୍ତି ବିଜେଡି ନେତା ଡା. ପ୍ରଫୁଲ୍ଲ ମାଝୀ। ସେ କହିଛନ୍ତି, ଅନେକ ପ୍ରତିଶ୍ରୁତି ଦେଇ ବିଜେଡି ମୋତେ ଦଳରେ ସାମିଲ କରିଥିଲା। ହେଲେ କୌଣସି ପ୍ରତିଶ୍ରୁତି ବିଜେଡି ରଖିଲା ନାହିଁ। ଲୋକଙ୍କ କାମ ପାଇଁ କଂଗ୍ରେସ ଛାଡ଼ି ବିଜେଡି ଆସିଥିଲ। ମାତ୍ର ତାହା ଯଦି ହୋଇ ନ ପାରିଲା ଏହି ଦଳରେ କାହିଁକି ରହିବା। ବିଜେଡିକୁ ନେତା ନ ଚଳାଇ ଆଉ ଜଣେ ଚଳାଇଲେ ଧ୍ବଂସ ହୋଇଯିବ। ଏହି ଦଳର ଭବିଷ୍ୟତ କିଛି ନାହିଁ, ଫୋନ କଲେ ଉଠାନ୍ତି ନାହିଁ। ସେହିପରି ସେ ଭକ୍ତ ଦାସଙ୍କୁ ମଧ୍ୟ ପ୍ରଶଂସା କରିଛନ୍ତି। ସେ କହିଛନ୍ତି, ତାଙ୍କ ପାଖରେ ଦକ୍ଷତା ଅଛି, ଦଳକୁ ପୁର୍ନଜୀବିତ କରିପାରିବେ। ଘରକୁ ଫେରିବି ନ ଫେରିବି ଏବେଠୁ କହିପାରିବି ନାହିଁ।
ସେହିପରି କଂଗ୍ରେସରୁ ବିଦା ହୋଇଥିବା ବରିଷ୍ଠ ବିଜେଡି ନେତା ଭୂପିନ୍ଦର ସିଂ କହିଛନ୍ତି, ଭକ୍ତଙ୍କ ଉଦ୍ୟମ ଭଲ। କିନ୍ତୁ ମୁଁ ଗୋଟେ ଦଳରେ ଅଛି। ମୁଁ କଂଗ୍ରେସରୁ ବାହାରି ନ ଥିଲି। କଂଗ୍ରେସ ମୋତେ ବାହାର କରି ଦେଇଥିଲା। ମୁଁ ମାଟି ପାଇଁ ଲଢ଼େ, ଭକ୍ତ ମୋ ସାନ ଭାଇ। ତେବେ ଅପେକ୍ଷା କରନ୍ତୁ ସମୟ କହିବ କୁଆଡେ ଯିବି।
