ନୂଆଦିଲ୍ଲୀ,୨୦।୭: ନ୍ୟାସନାଲ ଟେଷ୍ଟିଂ ଏଜେନ୍ସି (NTA) ଶନିବାର ଜୁଲାଇ ୨୦ରେ ନ୍ୟାସନାଲ ଏଲିଜିବିଲିଟି କମ ଏଣ୍ଟ୍ରାନ୍ସ ଟେଷ୍ଟ ଫର ଅଣ୍ଡର ଗ୍ରାଜୁଏଟ (NEET UG) ୨୦୨୪ପାଇଁ କେନ୍ଦ୍ର ଏବଂ ସହରର ଅନୁଯାୟୀ ଫଳାଫଳ ଘୋଷଣା କରିଛି। ଜୁଲାଇ ୧୮ରେ, ସୁପ୍ରିମକୋର୍ଟ ଏନଟିଏକୁ ନିଟ ୟୁଜି ୨୦୨୪ ଫଳାଫଳକୁ ସହର ଏବଂ କେନ୍ଦ୍ର ଫର୍ମାଟରେ ଘୋଷଣା କରିବାକୁ ନିର୍ଦ୍ଦେଶ ଦେଇଥିଲେ । ଏହି ପରୀକ୍ଷାରେ ଉପସ୍ଥିତ ପ୍ରାର୍ଥୀମାନେ ଅଫିସିଆଲ ୱେବସାଇଟ exam.nta.ac.in/NEET ପରିଦର୍ଶନ କରିପାରିବେ। ଫଳାଫଳ ଯାଞ୍ଚ କରିବାକୁ, ପ୍ରାର୍ଥୀମାନଙ୍କୁ ସେମାନଙ୍କର ରୋଲ ନମ୍ବର ଏବଂ ସେମାନଙ୍କ ସହର ଚୟନ କରିବାକୁ ପଡିବ ଏବଂ ସେମାନଙ୍କର ଫଳାଫଳକୁ ସେମାନଙ୍କର କେନ୍ଦ୍ର ନାମ ଏବଂ କେନ୍ଦ୍ର ସଂଖ୍ୟା ଅନୁଯାୟୀ ଯାଞ୍ଚ କରିବାକୁ ପଡିବ। ୱେବସାଇଟରେ ଫଳାଫଳ ଯାଞ୍ଚ କରିବାରେ ଯଦି କୌଣସି ଅସୁବିଧା ଅଛି, ତେବେ କିଛି ସମୟ ଅପେକ୍ଷା କରନ୍ତୁ ।
ଦେଶର ପ୍ରଧାନ ବିଚାରପତି (ସିଜେଆଇ) ଡିଓ୍ବାଇ ଚନ୍ଦ୍ରଚୁଡ ଏବଂ ଜଷ୍ଟିସ ଜେ.ବି ପାରଦିୱାଲା ଏବଂ ମନୋଜ ମିଶ୍ରଙ୍କ ଏକ ବେଞ୍ଚ ଜୁଲାଇ ୨୨ରେ ନିଟ୍ ରଦ୍ଦ କରିବା, ପୁନଃ ପରୀକ୍ଷା କରିବା ଏବଂ ଏନଟିଏ ବିରୋଧରେ ୪୦ରୁ ଅଧିକ ଆବେଦନ ଉପରେ ଶୁଣାଣି ଜାରି ରଖିବ। ପରବର୍ତ୍ତୀ ଶୁଣାଣି ଜୁଲାଇ ୨୨ ପାଇଁ ଧାର୍ଯ୍ୟ କରାଯାଇଛି। ୪,୭୫୦ ଟି ସହରରେ ୨୪ଲକ୍ଷରୁ ଅଧିକ ଡାକ୍ତରୀ ପ୍ରାର୍ଥୀଙ୍କ ପାଇଁ ନିଟ ୨୦୨୪, ମେ ୫ ରେ କରାଯାଇଥିଲା। ଜୁନ ୪ରେ ଏନଡିଏ ନିଟ-ୟୁଜି ଫଳାଫଳ ଘୋଷଣା କରିଥିଲା ଯେଉଁଥିରେ ମୋଟ ୬୭ଜଣ ପ୍ରାର୍ଥୀ ଟପ୍ପର ଘୋଷିତ ହୋଇଥିଲେ। ଏନଡିଏ ୫ ମେ’ରେ ନିଟ-ୟୁଜି ୨୦୨୪ପରୀକ୍ଷା କରିଥିଲା ଏବଂ ଫଳାଫଳ ୪ଜୁନ ୨୦୨୪ରେ ଘୋଷିତ ହୋଇଥିଲା । ଏନଟିଏ ଦ୍ୱାରା ପ୍ରଦାନ କରାଯାଇଥିବା ତଥ୍ୟକୁ ଆଧାର କରି ୯,୯୬,୩୯୩ ପୁରୁଷ ପ୍ରାର୍ଥୀ, ୧୩,୩୧,୩୨୧ ମହିଳା ପ୍ରାର୍ଥୀ ଏବଂ ୧୭ଟ୍ରାନ୍ସଜେଣ୍ଡର ପ୍ରାର୍ଥୀ ଏହି ପରୀକ୍ଷା ଦେଇଥିଲେ।
