ପୋଙ୍ଗୟାଙ୍ଗ,୩୦।୫: ଉତ୍ତର କୋରିଆ ଜୁନରେ ପ୍ରଥମ ଗୁପ୍ତଚର ଉପଗ୍ରହ ଲଞ୍ଚ କରିବାକୁ ପ୍ରସ୍ତୁତ ହେଲାଣି। ଉତ୍ତର କୋରିଆର ସରକାରୀ ସମାଚାର ଏଜେନ୍ସିର ସାମରିକ ମାମଲାର ପ୍ରଭାରି ଜଣେ ବରିଷ୍ଠ ଅଧିକାରୀଙ୍କ ସୂତ୍ରର ସୂଚନା ଅନୁଯାୟୀ କହିଛି ଯେ ନିୟୋଜିତ ଲଞ୍ଚର ଉଦ୍ଦେଶ୍ୟ ବର୍ତ୍ତମାନ ସମୟ ଆଧାରରେ ଆମେରିକା ସାମରିକ କାର୍ଯ୍ୟକଳାପ ଉପରେ ନଜର ରଖିବା।
ଉତ୍ତର କୋରିଆ ଜାପାନକୁ ମେ ୩୧ରୁ ଜୁନ ୧୧ମଧ୍ୟରେ ଉପଗ୍ରହ ଉତକ୍ଷେପଣ କରିବାର ଯୋଜନା ବିଷୟରେ ସୂଚନା ଦେବାର ଗୋଟିଏ ଦିନ ପରେ ଏହା ଜଣାପଡିଛି। ଗଭର୍ନିଂ ୱାର୍କର୍ସ ପାର୍ଟି ଅଫ କୋରିଆ(ଡବ୍ଲୁପିକେ)ର କେନ୍ଦ୍ରୀୟ ସାମରିକ ଆୟୋଗର ଉପାଧ୍ୟକ୍ଷ ରି ପ୍ୟୋଙ୍ଗ-ଚୋଲ ଏକ ବୟାନରେ କହିଛନ୍ତି ଯେ ଯୁଦ୍ଧ ପାଇଁ ପ୍ରସ୍ତୁତିକୁ ମଜବୁତ କରିବା ପାଇଁ ଉତ୍ତର କୋରିଆର ନିର୍ଦ୍ଦିଷ୍ଟ ଉପଗ୍ରହ ଉତକ୍ଷେପଣ ଏକ ଅନିବାର୍ଯ୍ୟ କାର୍ଯ୍ୟ।
ଉତ୍ତର କୋରିଆ ଚଳିତ ମାସ ଆରମ୍ଭରେ କହିଛି ଯେ କିମ ଜୋଙ୍ଗଙ୍କ ଭବିଷ୍ୟତ କାର୍ଯ୍ୟ ଯୋଜନାକୁ ଅନୁମୋଦନ କରିବା ଉଦ୍ଦେଶ୍ୟରେ ପ୍ରଥମ ସାମରିକ ନୀରିକ୍ଷଣ ଉପଗ୍ରହ ଉତକ୍ଷେପଣ କରିବା ପାଇଁ ଆବଶ୍ୟକ ପ୍ରସ୍ତୁତି ଶେଷ ହୋଇଛି। ନ୍ୟୁଜ ଏଜେନ୍ସି ଅନୁଯାୟୀ ଉତ୍ତର କୋରିଆର ନେତା ଏକ କଠିନ ଇନ୍ଧନ ଅର୍ନ୍ତମହାଦିପୀୟ ବାଲିଷ୍ଟିକ ମିଶାଇଲ, ଏକ ପରମାଣୁ ଚାଳିତ ବୁଡ଼ାଜାହାଜ ଏବଂ ସାମରିକ ଅନୁସନ୍ଧାନ ଉପଗ୍ରହ ସମେତ ଉନ୍ନତ ଅସ୍ତ୍ରଶସ୍ତ୍ର ନିର୍ମାଣ କରିବାକୁ ପ୍ରତିଶୃତି ଦେଇଛନ୍ତି।
