ନୂଆଦିଲ୍ଲୀ,୨।୮ : ନହୁରେ ହିଂସା ଯୋଗୁୁ ହରିୟାଣାର ଅନେକ ସ୍ଥାନରେ ଉତ୍ତେଜନା ବ୍ୟାପିଛି। ବର୍ତ୍ତମାନ ଏହି ମାମଲା ସୁପ୍ରିମକୋର୍ଟରେ ପହଞ୍ଚିଛି। ସୁପ୍ରିମକୋର୍ଟରେ ଏହି ମାମଲାର ଶୁଣାଣି ହୋଇଥିଲା। ଶୁଣାଣି ସମୟରେ ଜଷ୍ଟିସ ଖାନ୍ନା ମୁଖ୍ୟ ପ୍ରାର୍ଥନା କ’ଣ ବୋଲି ପଚାରିଥିଲେ। ଯାହା ଉପରେ ଆବେଦନକାରୀଙ୍କ ଓକିଲ ସିୟୁ ସିଂ କହିଛନ୍ତି ଏହା ଏକ ସମ୍ପ୍ରଦାୟ ବିରୁଦ୍ଧରେ ଘୃଣା ଭାଷଣ। ରାଲି ଆୟୋଜନ କରାଯାଉଛି ଏବଂ ଭାଷଣ ଦିଆଯାଉଛି।
ଘୃଣା ଭାଷଣ ସମ୍ପର୍କରେ ସୁପ୍ରିମକୋର୍ଟ ସରକାରଙ୍କ ଆଦେଶ ପାଳନ କରିବାକୁ ସରକାରଙ୍କୁ କହିଛନ୍ତି। ଏହାର ପରବର୍ତ୍ତୀ ଶୁଣାଣ ଶୁକ୍ରବାର ହେବ ବୋଲି କୋର୍ଟ କହିଛନ୍ତି। ଏହା ସହିତ ସୁପ୍ରିମକୋର୍ଟ ସରକାରଙ୍କୁ ଚେତାବନୀ ଦେଇଛନ୍ତି ହିଂସା କିମ୍ବା ଘୃଣା ଭାଷଣ ହେବ ନାହିଁ। ତୁରନ୍ତ ସୁରକ୍ଷା ବ୍ୟବସ୍ଥା ଗ୍ରହଣ କରାଯିବା ଉଚିତ। ସମ୍ବେଦନଶୀଳ ଅଞ୍ଚଳରେ ଅତିରିକ୍ତ ସତର୍କତା ଅବଲମ୍ବନ କରାଯିବା ସହିତ ଅତିରିକ୍ତ ପୋଲିସ ଫୋର୍ସ ନିୟୋଜିତ କରାଯିବା ଜରୁରୀ ଏବଂ ସିସିଟିଭି ଏବଂ ଭିଡିଓଗ୍ରାଫି କରାଯିବା ଉଚିତ।
