ଜେରୁଜେଲମ,୨୬।୧୧: ଉଗ୍ରବାଦୀ ସଂଗଠନ ହମାସ ସହିତ ଚାଲିଥିବା ଅସ୍ତ୍ରବିରତି ମଧ୍ୟରେ ଇସ୍ରାଏଲର ପ୍ରଧାନମନ୍ତ୍ରୀ ବେଞ୍ଜାମିନ ନେତାନ୍ୟାହୁ ଉତ୍ତର ଗାଜା ଅଞ୍ଚଳରେ ପହଞ୍ଚି ସେନା ଯବାନମାନଙ୍କୁ ଭେଟି କହିଛନ୍ତି ଯେ ଯୁଦ୍ଧ ଶେଷ ପର୍ଯ୍ୟନ୍ତ ଜାରି ରହିବ, ଇସ୍ରାଏଲକୁ କେହି ଅଟକାଇ ପାରିବେ ନାହିଁ।
ତାଙ୍କ କାର୍ଯ୍ୟାଳୟ ଦ୍ୱାରା ପ୍ରକାଶିତ ଏକ ଭିଡିଓରେ ନେତାନ୍ୟାହୁ କହିଛନ୍ତି ଯେ ଆମେ ଆମର ବନ୍ଧକଙ୍କୁ ଫେରାଇ ଆଣିବା ପାଇଁ ସମସ୍ତ ପ୍ରକାର ଚେଷ୍ଟା କରୁଛୁ ଏବଂ ଶେଷରେ ଆମେ ସମସ୍ତଙ୍କୁ ଫେରାଇ ଆଣିବୁ।
ଟାଇମ୍ସ ଅଫ ଇସ୍ରାଏଲର ରିପୋର୍ଟ ଅନୁଯାୟୀ, ପ୍ରଧାନମନ୍ତ୍ରୀ ନେତାନ୍ୟାହୁ କହିଛନ୍ତି ଯେ ଏହି ଯୁଦ୍ଧରେ ଆମର ତିନୋଟି ଲକ୍ଷ୍ୟ ଅଛି – ହମାସକୁ ହଟାଇବା, ଆମର ସମସ୍ତ ବନ୍ଧକଙ୍କୁ ଫେରାଇ ଆଣିବା ଏବଂ ଗାଜା ପୁନର୍ବାର ଇସ୍ରାଏଲ ପାଇଁ ବିପଦ ନ ହୁଏ।
ପ୍ରଧାନମନ୍ତ୍ରୀ ନେତାନ୍ୟାହୁ କହିଛନ୍ତି ଯେ ବିଜୟ ହାସଲ ନହେବା ପର୍ଯ୍ୟନ୍ତ ଆମେ ସଂଗ୍ରାମ ଶେଷ ପର୍ଯ୍ୟନ୍ତ ଜାରି ରଖିବୁ। କେହି ଆମକୁ ଅଟକାଇ ପାରିବେ ନାହିଁ ଏବଂ ଆମେ ନିଶ୍ଚିତ ଯେ ଯୁଦ୍ଧର ସମସ୍ତ ଲକ୍ଷ୍ୟ ହାସଲ କରିବାକୁ ଆମର ଶକ୍ତି, ତକତ, ଇଚ୍ଛା ଶକ୍ତି ଏବଂ ସଂକଳ୍ପ ଅଛି ଏବଂ ଆମେ ତାହା କରିବୁ।
