ନୂଆଦିଲ୍ଲୀ, ୨୧।୮ : ଗହମ ଆମଦାନୀ ରିପୋର୍ଟକୁ କେନ୍ଦ୍ର ସରକାର ଖଣ୍ଡନ କରିଛନ୍ତି। ଖାଦ୍ୟ ଏବଂ ସାଧାରଣ ବଣ୍ଟନ ବିଭାଗ କହିଛି, ଭାରତ ଗହମ ଆମଦାନୀ କରିବା ପାଇଁ ସେପରି କୌଣସି ଯୋଜନା ନାହିଁ। ଆମର ଘରୋଇ ଆବଶ୍ୟକତା ପୂରଣ କରିବା ପାଇଁ ଦେଶରେ ପର୍ଯ୍ୟାପ୍ତ ପରିମାଣର ଷ୍ଟକ ଅଛି ଏବଂ ଖାଦ୍ୟ ବଣ୍ଟନ ନିଗମର ଭାରତରେ ମଧ୍ୟ ସାଧାରଣ ବଣ୍ଟନ ପାଇଁ ପର୍ଯ୍ୟାପ୍ତ ପରିମାଣର ଷ୍ଟକ ରହିଛି। କେତେକ ରିପୋର୍ଟରେ ଉଲ୍ଲେଖ କରାଯାଇଥିଲା ଯେ ଭାରତ ଅନ୍ୟ ଦେଶରୁ ଗହମ ଆମଦାନୀ କରିବାକୁ ଚିନ୍ତା କରୁଛି।
ରୁଷିଆ ଏବଂ ୟୁକ୍ରେନ ମଧ୍ୟରେ ଯୁଦ୍ଧ ଆରମ୍ଭ ହେବା ପରେ ବିଶ୍ୱରେ ସୃଷ୍ଟି ହୋଇଥିବା ଅସ୍ଥିରତା ମଧ୍ୟରେ ଭାରତ ସମଗ୍ର ବିଶ୍ୱକୁ ଖାଦ୍ୟ ଯୋଗାଇବାକୁ ସକ୍ଷମ ଥିବା ଦାବି କରିଥିଲା। ପ୍ରକୃତରେ, ବ୍ଲୁମବର୍ଗ ଏହାର ଏକ ରିପୋର୍ଟରେ କହିଥିଲା ଯେ ଉତ୍ତାପ ବଢ଼ିବା ଦ୍ୱାରା ଗହମ ଉତ୍ପାଦନ କମିବାରେ ଲାଗିଥିବାରୁ ଏବଂ ଦେଶରେ ଦରଦାମ ବୃଦ୍ଧି ଯୋଗୁ ଗହମ ଆମଦାନୀ କରିବାକୁ ସରକାରବାଧ୍ୟ ହୋଇପାରନ୍ତି।
ଏହି ଖବର ପ୍ରକାଶ କରି ନ୍ୟୁଜ ଏଜେନ୍ସି ବ୍ଲୁମବର୍ଗ କହିଛନ୍ତି ଯେ ଅର୍ଥ ମନ୍ତ୍ରଣାଳୟ ଏହା ସହ ଜଡିତ ମନ୍ତବ୍ୟ ମାଗିଥିବା ଇମେଲର କୌଣସି ପ୍ରତିକ୍ରିୟା ଦେଇ ନାହିଁ। ଏଥିସହିତ ଖାଦ୍ୟ ଓ ବାଣିଜ୍ୟ ମନ୍ତ୍ରଣାଳୟର ମୁଖପାତ୍ର ମଧ୍ୟ ଏହାର ଉତ୍ତର ଦେବାକୁ ମନା କରି ଦେଇଛନ୍ତି। ବୁଧବାର ଭାରତ ଗହମ ଉତ୍ପାଦନ ପାଇଁ ଏକ ବର୍ଦ୍ଧିତ ଆକଳନ ଉପସ୍ଥାପନ କରିଥିବାବେଳେ ଅନ୍ୟ ପୂର୍ବାନୁମାନକାରୀ ଏବଂ ବ୍ୟବସାୟୀମାନେ ଉତ୍ତାପ ଲହର ଯୋଗୁଁ ଉତ୍ପାଦନ ପରିମାଣକୁ କମ ବୋଲି କହୁଛନ୍ତି। କୃ
ଷି ମନ୍ତ୍ରଣାଳୟ ଦ୍ୱାରା ପ୍ରକାଶିତ ନୂତନ ଆକଳନ ଅନୁଯାୟୀ ସରକାର କହିଛନ୍ତି ଯେ ବିଶ୍ୱର ଦ୍ୱିତୀୟ ବୃହତ୍ତମ ଶସ୍ୟ ଉତ୍ପାଦନକାରୀ ଭାରତ ୨୦୨୨ମସିହାରେ ୧୦୬.୮୪ ନିୟୁତ ଟନ ଗହମ ଅମଳ କରିଛି। ଯାହା ପୂର୍ବ ଆକଳନ ଠାରୁ ୧୦୬.୪୧ ନିୟୁତ ଟନ ତୁଳନାରେ ଅଧିକ ରହିଛି।
