କୋଲକାତା, ୨୪।୪: ୨୦୨୪ ଲୋକସଭା ନିର୍ବାଚନ ପାଇଁ ବିରୋଧୀ ଦଳ ଏକଜୁଟ ହେବାରେ ଲାଗିଛନ୍ତି। ଆସନ୍ତା ନିର୍ବାଚନରେ ବିରୋଧୀ ଦଳ ଏକାଠି ହୋଇ ଦେଶରେ ଏନଡିଏ ସରକାରକୁ ହରାଇବାକୁ ସଜବାଜ ହେଲେଣି। ତେବେ ବିହାର ମୁଖ୍ୟମନ୍ତ୍ରୀ ନୀତିଶ କୁମାର ଲୋକସଭା ନିର୍ବାଚନ ପୂର୍ବରୁ ବିରୋଧୀଦଳଗୁଡ଼ିକୁ ଏକଜୁଟ କରିବା ଲକ୍ଷ୍ୟରେ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କୁ ଭେଟିବା ଲାଗି କୋଲକାତାରେ ପହଞ୍ଚିଛନ୍ତି।
ସୂଚନାନୁସାରେ, ନୀତିଶ କୁମାର ଏକ ସ୍ବତନ୍ତ୍ର ବିମାନ ଯୋଗେ କୋଲକାତାରେ ପହଞ୍ଚିଛନ୍ତି। ସେ କିଛି ସମୟ ମଧ୍ୟରେ ମମତାଙ୍କ ସହ ସାକ୍ଷାତ କରିବେ। ନୀତିଶ କୋଲକାତାରେ ତିନି ଚାରି ଘଣ୍ଟା ରହିବା ପରେ ସୋମବାର ଲକ୍ଷ୍ନୌରେ ସମାଜବାଦୀ ପାର୍ଟି ମୁଖ୍ୟ ଅଖିଳେଶ ଯାଦବଙ୍କୁ ଭେଟିବେ।
