ଭୁବନେଶ୍ୱର,୨୨।୭: ନିକନ୍ ଇଣ୍ଡିଆ ପ୍ରାଇଭେଟ୍ ଲିମିଟେଡ୍ (ଏନ୍ଆଇପିଏଲ୍)ର ନୂତନ ଉତ୍ପାଦ ‘ନିକନ୍ ଜେଡ୍-୮’ର ସର୍ବଭାରତୀୟ ଉନ୍ମୋଚନ ଓ ବଜାର ପ୍ରବେଶ ନିକଟରେ ହୋଇଯାଇଛି। ଭୁବନେଶ୍ୱରସ୍ଥିତ ହୋଟେଲ ଆଇଟିସି ୱେଲକମ୍ ପରିସରରେ ଏକ ସ୍ବତନ୍ତ୍ର ପ୍ରଦର୍ଶନୀର ଆୟୋଜନ କରାଯାଇଥିଲା। ଉକ୍ତ ପ୍ରଦଶନୀରେ ନିକନ୍ର ସର୍ବଶ୍ରେଷ୍ଠ ମିରର ଲେସ୍ ଇମେଜିଂ ମାଷ୍ଟରପିସ୍ ନିକନ୍ ଜେଡ୍-୮ ସହ ଅନ୍ୟ ମଡେଲଗୁଡିକୁ ମଧ୍ୟ ପ୍ରଦର୍ଶିତ କରାଯାଇଥିଲା। ବିଶେଷକରି ମଡେଲଗୁଡିକର ଚମତ୍କାରିତା, ପୋର୍ଟେବିଲିଟି, ବହୁମୁଖିତା ଏବଂ ଶ୍ରେଷ୍ଠ-ଶ୍ରେଣୀର ଏଆଇ-ସକ୍ଷମ ବୈଶିଷ୍ଟ୍ୟଗୁଡିକର ଫ୍ୟୁଜନ ଇମେଜିଂ ଲ୍ୟାଣ୍ଡସ୍କେପ୍କୁ ଏକ ନୂତନ ସ୍ତରକୁ ନେବାକୁ କମ୍ପାନୀ ପକ୍ଷରୁ ପ୍ରୟାସ କରାଯାଇଛି। ଇମେଜିଂ ମାଷ୍ଟରପିସ୍ ନିକନ୍ ଜେଡ୍-୮ର ଅସାଧାରଣ ଇମେଜିଂ କାର୍ଯ୍ୟଦକ୍ଷତା, ପ୍ରଶଂସନୀୟ ସୁସଙ୍ଗତତା ଏବଂ ହାଇ-ସ୍ପିଡ୍ ଫ୍ରେମ କ୍ୟାପ୍ଚର ବୈଶିଷ୍ଟ୍ୟରେ ସମ୍ପୂର୍ଣ୍ଣ ରୂପେ ଏହା ପ୍ରତିଫଳିତ ହୋଇଛି। ପାୱାର ହାଉସ ନିକନ୍ ଜେଡ୍-୮ ଭିଡିଓ ୪କେ ୟୁଏଚ୍ଡି-୬୦ପି୨ରେ ୧୨୫ ମିନିଟ୍ ପର୍ଯ୍ୟନ୍ତ ଏବଂ ପ୍ରାୟ ୯୦ମିନିଟ୍ ପର୍ଯ୍ୟନ୍ତ ୮କେ ୟୁଏଚ୍ଡି-୩୦ପି୩ରେ ରେକର୍ଡିଂ କରିପାରିବ। ନିକନ୍ ଇଣ୍ଡିଆ ପ୍ରାଇଭେଟ୍ ଲିମିଟେଡ୍ର ପରିଚାଳନା ନିର୍ଦ୍ଦେଶକ ସଜନ କୁମାର କହିଛନ୍ତି, ନିକନ୍ ଜେଡ୍-୮ କ୍ୟାମେରାରେ ଟପ୍-ନଚ୍ ୧୨ ବିଟ୍ ଆଭ୍ୟନ୍ତରୀଣ ୮କେ ଭିଡିଓ ରେକର୍ଡିଂ ଏବଂ ୧୨୦ ଏଫ୍ପିଏସ୍ ଦ୍ରୁତ ସ୍ପିଡ୍ ତଥା ସବୁଠାରୁ ଉନ୍ନତ ଅଟୋ ଏପରିକି ଏହାର ଫୋକସ ସିଷ୍ଟମ ଓ ବୈଶିଷ୍ଟ୍ୟ ସହିତ ଉକ୍ତ ହାଇବ୍ରିଡ୍ କ୍ୟାମେରାର କମ୍ପାକ୍ଟନେସ ଏବଂ ପୋର୍ଟେବିଲିଟି ସୁବିଧା ମଧ୍ୟ ରହିଛି। ଯେକୌଣସି ସମୟରେ ଏବଂ ଯେ କୌଣସିଠାରେ ଏହା ୧୦-ବିଟ୍ ଷ୍ଟିଲ୍ ଇମେଜ, ହାଇ-ରେସ୍ ଜୁମ୍, ସ୍କିନ୍ ସଫ୍ଟନିଂ, ପୋଟ୍ରେଟ ଇମ୍ପ୍ରେଶନ ବାଲାନ୍ସ ଆଦି ରହିଛି। ଏଥିରେ ନୂତନ ଏଚ୍ଏଲ୍ଜି (ଏଚ୍ଇଆଇଏଫ୍) ଫର୍ମାଟ ଭଳି ଆକର୍ଷଣୀୟ ବୈଶିଷ୍ଟ୍ୟ ସମେତ ଅଟୋ-ଫୋକସ ପାଇଁ ଇମ୍ପ୍ରେଶନ ସନ୍ତୁଳନ ଏବଂ ଉନ୍ନତ ଏଆଇ-ଆଲଗରିଦମ୍ ନିକନ୍ ଜେଡ୍-୮ ଆଦି ରହିଛି।
