ମୁମ୍ବାଇ: ଅନିଲ କପୁର ଓ ହର୍ଷ ବର୍ଦ୍ଧନ କପୁରଙ୍କ ଅଭିନୀତ ଫିଲ୍ମ ‘ଥାର’ ସମ୍ପର୍କରେ ଯେବେଠାରୁ ଘୋଷଣା କରାଗଲାଣି ସେବେଠାରୁ ଏହି ମୁଭିକୁ ନେଇ ଦର୍ଶକଙ୍କ ମନରେ ଆଗ୍ରହ ବଢିବାରେ ଲାଗିଛି । ଏହାର କାରଣ ହେଉଛି ପ୍ରଥମଥର ଲାଗି ଏହି ମୁଭି ମାଧ୍ୟମରେ ଦର୍ଶକେ ଅନିଲ କପୁର ଓ ତାଙ୍କ ପୁଅ ହର୍ଷ ବର୍ଦ୍ଧନ କପୁରଙ୍କୁ ଏକାଠି ଦେଖିପାରିବେ । ଦର୍ଶକଙ୍କ ମଧ୍ୟରେ ଏହି ୱେବ ସିରିଜକୁ ନେଇ ଚାଲିଥିବା କ୍ରେଜ ମଧ୍ୟରେ ନିର୍ମାତା ଏହାର ବହୁ ପ୍ରତିକ୍ଷିତ ଟ୍ରେଲର ରିଲିଜ୍ କରିଛନ୍ତି । ଏଥିରେ ଅନିଲ କପୁର, ହର୍ଷ ବର୍ଦ୍ଧନ କପୁରଙ୍କ ସହ ସତିଶ କୌଶିକ ଓ ଫାତିମା ସନା ଶେଖ ବି ନଜର ଆସିବେ । ଏହି ସିରିଜ ମେ ୬ରେ ନେଟଫ୍ଲିକ୍ସରେ ରିଲିଜ୍ ହେବ ।
ଏହାର ଟ୍ରେଲରକୁ ନେଟଫ୍ଲିକ୍ସ ତା’ର ୟୁଟ୍ୟୁବ ଚ୍ୟାନେଲରେ ଅପଲୋଡ କରି ସାରିଛି । ଟ୍ରେଲର ଆରମ୍ଭରେ ଅନିଲ କପୁର ଓ ସତିଶ କୌଶିକଙ୍କୁ ପୋଲିସ ଭୂମିକାରେ ଦେଖିବାକୁ ମିଳିଛି । ଏମାନେ ଏକ ଭୟଙ୍କର ହତ୍ୟାକାଣ୍ଡର କାରଣ ଖୋଜୁଛନ୍ତି । ଏହାସହ ଟ୍ରେଲରରେ ହର୍ଷ ବର୍ଦ୍ଧନଙ୍କ ପ୍ରଥମ ଝଲକ ଦେଖିବାକୁ ମିଳିଛି ଯିଏକି ଜଣେ ଏଣ୍ଟିକ ଡିଲର ରୋଲରେ ନଜର ଆସିଛନ୍ତି ।
ମୁଭିର କାହାଣୀ ରାଜସ୍ଥାନ ଗାଁର ପୃଷ୍ଠଭୂମୀରେ ପ୍ରସ୍ତୁତ କରାଯାଇଛି । ଏଣ୍ଟିକ ଡିଲର ଭାବେ ହର୍ଷ ବର୍ଦ୍ଧନ ରାଜସ୍ଥାନର ସେହି ସହରରେ ପାଦ ରଖିଛନ୍ତି ଯେଉଁଠି ଅନିଲ କପୁର ପୋଲିସ ଅଧିକାରୀ ଅଛନ୍ତି । ଆଉ ସେଇଠି ଆରମ୍ଭ ହୋଇଛି ଉଭୟଙ୍କ ମଧ୍ୟରେ ମୂଷା-ବିଲେଇର ଖେଳ ।
