ଲଣ୍ଡନ, ୩ା୧୦(ଏପି): ନବାଗତ ଆମୋସ କିପ୍ରୁଟୋ ରବିବାର ଲଣ୍ଡନ ମାରାଥନ ପୁରୁଷ ରେସ୍ ଜିତିଛନ୍ତି। କେନିଆର ଏହି ୩୦ ବର୍ଷୀୟ ଧାବକ ୨ ଘଣ୍ଟା ୪ ମିନିଟ୍ ୩୯ ସେକେଣ୍ଡରେ ଦ୍ୱିତୀୟ ସ୍ଥାନରେ ରହିଥିବା ଇଥିଓପିଆର ଲିଉଲ୍ ଜେବ୍ରେସେଲାସିଙ୍କୁ ପଛରେ ପକାଇ ଦେଇଥିଲେ। ବେଲଜିୟମର ବଶିର ଆବିଦି ତୃତୀୟ ହୋଇଥିଲେ।
ପୂର୍ବରୁ ଇଥିଓପିଆର ୟାଲେମ୍ଜେରଫ ୟେହୁଆଲ ମହିଳା ରେସ୍ରେ ବିଜୟ ଲାଭ କରିଥିଲେ। ସେ ୨ ଘଣ୍ଟା, ୧୭ ମିନିଟ୍ ଓ ୨୫ ସେକେଣ୍ଡ ଟାଇମିଂରେ ରେସ୍ ଶେଷ କରିଥିଲେ। ଇଭେଣ୍ଟରେ ଏହା ହେଉଛି ତୃତୀୟ ଦ୍ରୁତତମ। ଗତଥରର ଚାମ୍ପିୟନ ଜୟସିଲିନ୍ ଜେପ୍କୋସ୍ଜି ଦ୍ୱିତୀୟ ସ୍ଥାନରେ ରହିଥିଲେ। କୋଭିଡ୍ ଯୋଗୁ ଏହି ଇଭେଣ୍ଟ ତୃତୀୟଥର ଅକ୍ଟୋବର ମାସରେ ଆୟୋଜିତ ହେଲା। ତେବେ ଆସନ୍ତା ବର୍ଷ ପାରମ୍ପରିକ ଏପ୍ରିଲ ମାସରେ ଆୟୋଜନ ହେବ।
