ନିରାକାରପୁର,୯।୪(ମାନସ ଚନ୍ଦ୍ର ପଟ୍ଟନାୟକ): ଖୋର୍ଦ୍ଧା ରେଳ ଡିଭିଜନ ଅନ୍ତର୍ଗତ ନିରାକାରପୁର ରେଳଷ୍ଟେଶନରେ ଶିଶୁ ଚୋରି ଘଟଣାରେ ନୂଆ ଟ୍ବିଷ୍ଟ୍। ଶିଶୁ ଚୋରି କାହାଣୀ ବାପା ନିଜେ ରଚିଥିବା ଜଣାପଡିଛି। ଏହି ଘଟଣାର ପର୍ଦ୍ଦାଫାଶ କଲା ଜିଆରପି। ଶିଶୁ ପୁତ୍ରକୁ ଚୋରି କରି ପ୍ରଥମ ସ୍ତ୍ରୀକୁ ଦେଇଥିଲେ ବାପା। ଅଭିଯୁକ୍ତ ବାପାଙ୍କୁ ଅଟକ ରଖି ପଚରାଉଚରା କରାଯାଉଛି।
ସୂଚନାଯୋଗ୍ୟ, ନୟାଗଡ଼ ଜିଲା ରଣପୁର ଥାନା ଅଧୀନ କଳାମାଟିଆ ଗ୍ରାମର ପ୍ରଶାନ୍ତ ପ୍ରଧାନ, ସ୍ତ୍ରୀ ଚିନୁଲତା ପରିଡ଼ା ଓ ତାଙ୍କ ୪ମାସର ଶିଶୁପୁତ୍ର ଟ୍ରେନ ଯୋଗେ ତାମିଲନାଡୁ ଯିବାର ଥିଲା। ତେଣୁ ସେମାନେ ପ୍ରଥମେ କାଳୁପଡ଼ାଘାଟ ଷ୍ଟେଶନରେ ପହଞ୍ଚି ଡିଏମ୍ୟୁ ଟ୍ରେନ ଯୋଗେ ମଙ୍ଗଳବାର ରାତିରେ ନିରାକାରପୁର ଷ୍ଟେଶନକୁ ଆସିଥିଲେ। ବୁଧବାର ସକାଳେ ସେମାନେ ଟ୍ରେନ ଯୋଗେ ତାମିଲନାଡୁ ଯାଇଥାନ୍ତେ। ପ୍ରଶାନ୍ତ, ଚିନୁଲତା ଓ ଶିଶୁପୁତ୍ର ନିରାକାରପୁର ଷ୍ଟେଶନର ୩ ନମ୍ବର ପ୍ଲାଟ୍ଫର୍ମରେ ଥିବା ପାଦଚଲା ଶିିଡ଼ି ତଳେ ବିଶ୍ରାମ ନେଉଥିବାବେଳେ ସେମାନଙ୍କୁ ନିଦ ଲାଗିଯାଇଥିଲା। ସେହି ସୁଯୋଗରେ ମା’ ପାଖରୁ ଶିଶୁପୁତ୍ରକୁ କୌଣସି ଦୁର୍ବୃତ୍ତ ଚୋରାଇ ନେଇଯାଇଥିବା ଅଭିଯୋଗ ହୋଇଥିଲା। ପୋଲିସ ଏକ ମାମଲା (ନଂ. ୩୧/୨୬) ରୁଜୁ କରି ରେଳଷ୍ଟେଶନ ସଂଲଗ୍ନ ଅଞ୍ଚଳରେ ଲାଗିଥିବା ସିସିଟିଭିଗୁଡ଼ିକର ଫୁଟେଜ୍ ଯାଞ୍ଚ ସହ ତଦନ୍ତ ଜାରି ରଖିଥିଲା।
Dharitri – Odisha’s No.1 Odia Daily
