ନୂଆଦିଲ୍ଲୀ,୨୫।୫: ନୂତନ ସଂସଦ ଭବନର ଉଦ୍ଘାଟନୀ ସମାରୋହକୁ ବର୍ଜନ କରିବା ନିଷ୍ପତ୍ତିକୁ ନେଇ କେନ୍ଦ୍ର ସ୍ବରାଷ୍ଟ୍ର ମନ୍ତ୍ରୀ ଅମିତ ଶାହା କଂଗ୍ରେସ ଉପରେ ବର୍ଷିଛନ୍ତି। ଗୁରୁବାର ଆସାମରେ ଶାହା କହିଛନ୍ତି, କଂଗ୍ରେସ ଦଳର ମନୋଭାବ ନକାରାତ୍ମକ। ଦେଶକୁ ଏକ ନୂତନ ସଂସଦ ଦେବା ପାଇଁ ପ୍ରଧାନମନ୍ତ୍ରୀ ମୋଦି କାର୍ଯ୍ୟ କରୁଛନ୍ତି ଏବଂ କଂଗ୍ରେସ ଏବଂ ଏହାର ସହଯୋଗୀମାନେ ଏଡାକୁ ରାଜନୀତି କରୁଛନ୍ତି। ରାଷ୍ଟ୍ରପତିଙ୍କ ନାମ ନେଇ ସେମାନେ ବାହାନା କରୁଛନ୍ତି।
ସେ ଆହୁରି କହିଛନ୍ତି, ଯେଉଁମାନେ କଂଗ୍ରେସ ସହିତ ଚାଲନ୍ତି ମୁଁ ସେମାନଙ୍କୁ କହିବାକୁ ଚାହେଁ ଯେ ଯଦି ଆପଣ ସେମାନଙ୍କ ସହ ଚାଲନ୍ତି ତେବେ ଆପଣ ସେମାନଙ୍କ ପରି ହୋଇଯିବେ। ଦେଶର ଜନତା ଦୁଇ ତୃତୀୟାଂଶ ସଂଖ୍ୟାଗରିଷ୍ଠତା ସହ ନରେନ୍ଦ୍ର ମୋଦିଙ୍କୁ ପ୍ରଧାନମନ୍ତ୍ରୀ ଭାବରେ ମନୋନୀତ କରିଛନ୍ତି। ଦେଶ କଂଗ୍ରେସ ଉପରେ ନିର୍ଭରଶୀଳ ହେବ ନାହିଁ। ଯେତେବେଳେ ବି ପ୍ରଧାନମନ୍ତ୍ରୀ କୌଣସି କାର୍ଯ୍ୟକ୍ରମ କରନ୍ତି, ତେବେ ଏହି ଲୋକମାନେ ବୟକଟ କାମ କରନ୍ତି। ଆପଣ କଣ କରୁଛନ୍ତି ତାହା ଭାରତର ଲୋକମାନେ ଦେଖୁଛନ୍ତି। ପରବର୍ତ୍ତୀ ସମୟରେ ଏତେ ସଂଖ୍ୟକ ସିଟ୍ ଆସିବ ନାହିଁ । ତା’ପରେ ମୋଦି ଜୀ ୩୦୦ରୁ ଅଧିକ ସିଟ ସହ ତୃତୀୟ ଥର ପାଇଁ ପ୍ରଧାନମନ୍ତ୍ରୀ ହେବେ।
