ଭୁବନେଶ୍ୱର,୭।୭:ଆଇସିଆଇସିଆଇ ବ୍ୟାଙ୍କର ନୂତନ ଶାଖା ଭୁବନେଶ୍ୱରର କେଶୁରାଠାରେ ଉଦଘାଟିତ ହୋଇଯାଇଛି। ଭୁବନେଶ୍ୱର ମେୟର ସୁଲୋଚନା ଦାସ ସମ୍ମାନିତ ଅତିଥି ଭାବେ ଯୋଗ ଦେଇ ଏହାର ଉଦଘାଟନ କରିଥିଲେ। ଅନ୍ୟମାନଙ୍କ ମଧ୍ୟରେ ବ୍ୟାଙ୍କର ବହୁ ବରିଷ୍ଠ ଅଧିକାରୀଙ୍କ ସମେତ ଶାଖାର ସମସ୍ତ କର୍ମଚାରୀ ଓ ଅନ୍ୟମାନେ ଉପସ୍ଥିତ ଥିଲେ। ଭୁବନେଶ୍ୱର ସହରରେ ଏହା ବ୍ୟାଙ୍କର ୨୭ତମ ଶାଖା ହୋଇଥିବା ବେଳେ ରାଜ୍ୟରେ ୧୮୦ତମ ଶାଖା ସହିତ ୩୪୦ ଏଟିଏମ୍ର ଏକ ବ୍ୟାପକ ନେଟ୍ୱର୍କ ରହିଛି। ଉଲ୍ଲେଖଯୋଗ୍ୟ, ଆଇସିଆଇସିଆଇ ବ୍ୟାଙ୍କ ପକ୍ଷରୁ ଗ୍ରାହକମାନଙ୍କୁ ଶାଖା, ଏଟିଏମ୍, କଲ ସେଣ୍ଟର, ଇଣ୍ଟରନେଟ୍ ବ୍ୟାଙ୍କିଙ୍ଗ ଓ ମୋବାଇଲ୍ ବ୍ୟାଙ୍କିଙ୍ଗ ଭଳି ବିବିଧ ମାଧ୍ୟମରେ ସେବା ପ୍ରଦାନ କରାଯାଉଛି। ବିଶେଷ କରି ବ୍ୟାଙ୍କ ପକ୍ଷରୁ ଗ୍ରାହକମାନଙ୍କୁ ବିଭିନ୍ନ ପ୍ରକାର ଖାତା, ଜମା, ଋଣ ଆଦି ସୁବିଧା ପ୍ରଦାନ କରାଯାଉଛି, ଯେଉଁଥିରେ ଚଳନ୍ତି ଖାତା, ଫିକ୍ସଡ୍ ଓ ରିକରିଂ ଜମା, ବ୍ୟବସାୟ ଋଣ, ଗୃହ ଋଣ, ବ୍ୟକ୍ତିଗତ ଋଣ, ଗାଡ଼ି ଋଣ, ସୁନା ଋଣ ଓ ଫୋରେକ୍ସ ସେବା ଆଦି ସାମିଲ ରହିଛି। ଉକ୍ତ ଶାଖାରେ ଏକ ଏଟିଏମ୍ ତଥା କ୍ୟାଶ୍ ରିସାଇକ୍ଲର ମେଶିନ୍ (ସିଆର୍ଏମ୍) ରହିଛି,ଯେଉଁଥିରେ ନଗଦ ଟଙ୍କା ଜମା କରି ହେବ ଏବଂ ଗ୍ରାହକମାନେ ସେଥିରୁ ଟଙ୍କା ମଧ୍ୟ ଉଠାଇପାରିବେ।
