ଧୂଷୁରୀ,୧୫ା୧ ( ଦୀପ୍ତି ରଞ୍ଜନ ନାୟକ) : ଭଦ୍ରକ ଜିଲା ଧୂଷୁରୀ ଥାନା ଅନ୍ତର୍ଗତ ଆରଡି ଫାଣ୍ଡି ଅଞ୍ଚଳରେ ଏକ ଅଭାବନୀୟ ଘଟଣା ଘଟିଛି। ୧୩ ବର୍ଷିଆ ନାବାଳିକାଙ୍କୁ ଜଣେ ବୃଦ୍ଧ ବଳାତ୍କାର କରିଛନ୍ତି। ଏ ନେଇ ପୀଡ଼ିତାଙ୍କ ବଡ଼ ମା’ ଆରଡି ଫାଣ୍ଡିରେ ମଙ୍ଗଳବାର ସାରେ ଅଭିଯୋଗ କରିଥିଲେ। ଅଭିଯୋଗ ଆଧାରରେ ପୋଲିସ ପ୍ରଶାନ୍ତ ଜେନା(୬୦) ନାମକ ବ୍ୟକ୍ତିଙ୍କୁ ଗିରଫ କରି ତଦନ୍ତ କରୁଛି।
ଅଭିଯୋଗ ମୁତାବକ, ଅଭିଯୁକ୍ତ ନାବାଳିକାଙ୍କୁ ବିଭିନ୍ନ ପ୍ରଲୋଭନ ଦେଖାଇ ରବିବାର ବଳାତ୍କାର କରିଥିଲେ। ଏ ବିଷୟରେ କାହାକୁ ନ କହିବାକୁ ଧମକ ମଧ୍ୟ ଦେଇଥିଲା। ମଙ୍ଗଳବାର ବିଦ୍ୟାଳୟରେ ପଢୁଥିବା ବେଳେ ପୀଡ଼ିତା ଅଚେତ ହୋଇ ଯାଇଥିଲା। ପରିବାର ଲୋକ ପଚାରିବାରୁ ସେ କାନ୍ଦିକାନ୍ଦି ସବୁକଥା କହିଥିଲେ। ଅଭିଯୋଗ ପରେ ଫାଣ୍ଡି ପୋଲିସ ଅଭିଯୁକ୍ତଙ୍କୁ ଫାଣ୍ତିକୁ ଆଣି ପଚରାଉଚରା କରିଥିଲା। ପରେ ଧୂଷୁରୀ ଥାନା ଅଧିକାରୀ ଫାଣ୍ଡିରେ ପହଞ୍ଚତ୍ ଅଭିଯୁକ୍ତଙ୍କୁ ଥାନାକୁ ନେଇଥିଲେ। ବୁଧବାର ଉଭୟ ପୀଡ଼ିତା ଓ ଅଭିଯୁକ୍ତଙ୍କ ଡାକ୍ତରୀ ମାଇନା କରାଯାଇଛି । ଏନେଇ ଧୁଷୁରୀ ଥାନାରେ ଏକ ମାମଲା ନଂ(୧୪/୨୬) ଏକ ବଳାତ୍କାର ମାମଲା ରୁଜୁ ହୋଇଛି । ୂଗୁରୁବାର ଅଭିଯୁକ୍ତଙ୍କୁ କୋର୍ଟ ଚାଲାଣ କରାଯିବା ନେଇ ସୂଚନା ରହିଛି ।