ନୟାଗଡ଼,୨୯।୧(ଲୋକନାଥ ମିଶ୍ର): ନୟାଗଡ଼ ଜିଲା ଇଟାମାଟି ଥାନା ଆନନ୍ଦପଲ୍ଲୀ ଗାଁର ଯବାନ ଜିତୁ ବେହେରା(୩୧) ଜାନୁଆରୀ ୨୬ରେ କଶ୍ମୀରରେ ହୃଦ୍ଘାତରେ ପ୍ରାଣ ହରାଇଛନ୍ତି। ଜିତୁଙ୍କ ମରଶରୀର ବୁଧବାର ସନ୍ଧ୍ୟାରେ ଆନନ୍ଦପଲ୍ଲୀରେ ପହଞ୍ଚିବା ପରେ ଗାଁରେ ଶୋକାକୂଳ ପରିସ୍ଥିତି ସୃଷ୍ଟି ହୋଇଛି ।
ମରଶରୀରକୁ ଶୋଭାଯାତ୍ରାରେ ଗାଁ ପରିକ୍ରମା କରାଯାଇ ଇଟାମାଟି ଓ ନୟାଗଡ଼ ଜିଲା ପୋଲିସ ପକ୍ଷରୁ ଗାର୍ଡ ଅଫ୍ ଅନର ଦିଆଯାଇଥିଲା। ପରେ ମରଶରୀରକୁ ଦାହ କରାଯାଇଥିଲା। କଶ୍ମୀରର ମାହାରରେ ଆର୍ମିର ଏନ୍କେ ର଼୍ୟାଙ୍କ୍ରେ ଜିତୁ କାମ କରୁଥିଲେ। ସୋମବାର ସାଧାରଣତନ୍ତ୍ର ଦିବସ ଡ୍ୟୁଟି ସାରି ଘରକୁ ଆସି ବିଶ୍ରାମ ନେଇଥିଲେ। ପୁଣି ଡ୍ୟୁଟିକୁ ଗଲାବେଳେ ହୃଦ୍ଘାତ ହେବାରୁ ତାଙ୍କୁ ସ୍ଥାନୀୟ ସ୍ବାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଥିଲା। ତେବେ ଜିତୁଙ୍କ ଅକାଳ ବିୟୋଗକୁ ସହଜରେ ଗ୍ରହଣ କରିପାରୁ ନାହାନ୍ତି ସ୍ତ୍ରୀ । ଗତ କିଛି ମାସ ତଳେ ତାଙ୍କର ବିବାହ ହୋଇଥିବା ଜଣାପଡିଛି ।