ଓ୍ବାଶିଂଟନ,୧୪ା୮: ଆଫଗାନିସ୍ତାନରେ ଥିବା ନାଟୋ ସଂଗଠନର ବିପୁଳ ଅସ୍ତ୍ରଶସ୍ତ୍ର ତାଲିବାନ ଏବଂ ଅଲ୍କାଏଦାର ସହଯୋଗୀ ସଂଗଠନ ଜରିଆରେ ଆଇଏସ୍ ସଂଗଠନ(ଖୋରାସାନ) ଆତଙ୍କବାଦୀଙ୍କ ପାଖରେ ପହଞ୍ଚି ଥିବା ଜାତିସଂଘ ପକ୍ଷରୁ ଏକ ରିପୋର୍ଟରେ କୁହାଯାଇଛି।
ବିଶେଷ କରି ତେହରିକ-ଇତାଲିବାନ ପାକିସ୍ତାନର ସଦସ୍ୟମାନେ ଅସ୍ତ୍ର ଚାଲାଣରେ ସହଯୋଗ କରୁଛନ୍ତି। ୨୦୨୧ରେ ତାଲିବାନ ଆଫଗାନିସ୍ତାନର ଶାସନ କ୍ଷମତା ଅକ୍ତିଆର କରିବା ପରେ ପଡୋଶୀ ଦେଶକୁ ନାଟୋର ସାମରିକ ସରଞ୍ଜାମ ସ୍ଥାନାନ୍ତର ହୋଇଥିବା ନେଇ ରାଷ୍ଟ୍ରଗୁଡ଼ିକ ଉଦ୍ବେଗ ପ୍ରକାଶ କରିଛନ୍ତି। ଆଫଗାନିସ୍ତାନ, ମଧ୍ୟପ୍ରାଚ୍ୟ ଏବଂ ଆଫ୍ରିକାକୁ ଅସ୍ତ୍ର ପଠାଯାଇଥିବାରୁ ଅନ୍ତର୍ଜାତୀୟ ଶାନ୍ତି ଓ ସୁରକ୍ଷା ପ୍ରତି ବିପଦ ଦେଖାଦେଇଥିବା ଜାତିସଂଘ ମହାସଚିବ କହିଛନ୍ତି।
