ଦାରିଙ୍ଗବାଡି, ୨୪।୪ (ଅରୁଣ ସାହୁ)-କନ୍ଧମାଳ ଜିଲା ପ୍ରଶାସନ ପକ୍ଷରୁ ଫୁଲବାଣୀ ଠାରେ ଜାତୀୟ ପଞ୍ଚାୟତ ଦିବସ ପାଳନ ଅବସରରେ ଦାରିଙ୍ଗବାଡି ବ୍ଲକର ୩ଟି ପଞ୍ଚାୟତକୁ ଗ୍ରେଡ଼-ସି ଭାବେ ମନୋନୀତ କରାଯାଇଛି। ପ୍ରକାଶ ଯେ ଉକ୍ତ ବ୍ଲକର ସିମନବାଡି, ବୁଡ଼ାଗୁଡା ଏବଂ ଦାରିଙ୍ଗବାଡି ପଞ୍ଚାୟତର ଆହୁରି ଉନ୍ନତି କାର୍ଯ୍ୟ କରିବା ପାଇଁ ଏହି ଅବସରରେ ୩ ଲକ୍ଷ ୮୬ ହଜାର ୪୭୩ ଅର୍ଥ ମଞ୍ଜୁର କରାଯାଇଛି । ଏହି ୩ଟି ପଞ୍ଚାୟତ ବ୍ଲକର ଅନ୍ୟ ପଞ୍ଚାୟତ ଅପେକ୍ଷା ସରକାରଙ୍କ ବିଭିନ୍ନ ଯୋଜନା କାର୍ଯ୍ୟକାରୀ ହୋଇପାରିଥିବା ସିମନବାଡି ସରପଞ୍ଚ ଅମିତା ପ୍ରଧାନ କହିଛନ୍ତି।
ସୂଚନାଯୋଗ୍ୟ ଯେ, ଜିଲାରେ ମୋଟ ୭ ଟି ପଞ୍ଚାୟତସକୁ ଗ୍ରେଡ଼-ବି ଓ ଗ୍ରେଡ଼-ସି ଭାବେ ମନୋନୀତ କରାଯାଇଥିଲା। ସେଥିମଧ୍ୟରେ କେବଳ କୋଟଗଡ ପଞ୍ଚାୟତ ଗ୍ରେଡ଼-ବି ଭାବେ ମନୋନୀତ ହୋଇ ୫ ଲକ୍ଷ ୭୯ ହଜାର ୭୧୦ ସ୍ବତନ୍ତ୍ର ଅନୁଦାନ ପାଇଥିବା ବେଳେ ଅନ୍ୟ ସବୁ ଗ୍ରେଡ଼-ସିରେ ମନୋନୀତ ହୋଇଛନ୍ତି। ଫୁଲବାଣୀ ବିଧାୟକ ଉମା ଚରଣ ମଲିକଙ୍କ ହାତରୁ ଏହି ଅନୁଦାନର ଚେକ ବଣ୍ଟନ କରାଯାଇଛି ।
