ଭାରତୀୟ ଷ୍ଟାର ଅଲରାଉଣ୍ଡର ହାର୍ଦ୍ଦିକ ପାଣ୍ଡ୍ୟା ଘରକୁ ଖୁବଶୀଘ୍ର ଆସିବ ନୂଆ ଅତିଥି। ଏଥିପାଇଁ ସେ ବେଶ୍ ଖୁସି ଅଛନ୍ତି। ନିକଟରେ ହାର୍ଦ୍ଦିକଙ୍କ ପ୍ରେମିକା ନତାଶା ସୋସିଆଲ ମିଡିଆରେ ଏକ ଫଟୋ ଶେୟାର କରିଛନ୍ତି। ଫଟୋରେ ସେମାନେ ଖୁସି ଥିବା ନଜର ଆସୁଛନ୍ତି। ନତାଶା ଫଟୋ କ୍ୟାପଶନ୍ରେ ଲେଖିଛନ୍ତି, ତୁମେ ମୋତେ ପୂରଣ କରିଛ। ଏହାର ଜବାବରେ ପାଣ୍ଡ୍ୟା ହାର୍ଟ ଇମୋଜୀ ଦେଇଥିଲେ। ଏହାପୂର୍ବରୁ ହାର୍ଦ୍ଦିକ ନତାଶା ଏବଂ ତାଙ୍କ କୁକୁରଙ୍କ ସହ ଫଟୋ ଶେୟାର କରିଥିଲେ। ସୂଚନାଯୋଗ୍ୟ, ଚଳିତବର୍ଷ ଜାନୁଆରୀରେ ନତାଶାଙ୍କ ସହ ପାଣ୍ଡ୍ୟାଙ୍କ ନିର୍ବନ୍ଧ ସମ୍ପନ୍ନ ହୋଇଥିଲା। ଏହାପରେ ନତାଶା ଗର୍ଭବତୀ ଥିବା ଖବର ସୋସିଆଲ ମିଡିଆରେ ହାର୍ଦ୍ଦିକ ଶେୟାର କରିଥିଲେ।
