ନୂଆଦିଲ୍ଲୀ,୧୫।୯: ନାସାର ନିୟର ଆର୍ଥ ଅବଜେକ୍ଟ ଷ୍ଟଡିଜ୍ ସେଣ୍ଟର (ସିଏନଇଓଏସ୍) ଓ ଜେପିଏଲ୍ ପକ୍ଷରୁ ୨୦୨୫ ଏଫଏ୨୨ ନାମକ ଏକ ବୃହତ ଧୂମକେତୁକୁ ନୀରିକ୍ଷଣ କରାଯାଉଛି, ଯାହା ସେପ୍ଟେମ୍ବର ୧୮, ୨୦୨୫ରେ ପୃଥିବୀ ନିକଟ ଦେଇ ଗତି କରିବ। ଚଳିତ ବର୍ଷ ହାୱାଇର ପାନ-ଷ୍ଟାର୍ସ ୨ ସର୍ଭେ ଦ୍ୱାରା ଆବିଷ୍କୃତ ଏହି ଗ୍ରହାଣୁର ଆକାର ୧୨୦ରୁ ୨୮୦ ମିଟର ମଧ୍ୟରେ, ଯାହା ଦିଲ୍ଲୀର କୁତୁବ ମିନାର (୭୩ ମିଟର)ଠାରୁ ପ୍ରାୟ ଦୁଇରୁ ଚାରି ଗୁଣ ବୃହତ।
ଏହା ପୃଥିବୀଠାରୁ ପ୍ରାୟ ୮,୪୨,୦୦୦ କିଲୋମିଟର ଦୂରରେ ଅତିକ୍ରମ କରିବ, ଯାହା ଚନ୍ଦ୍ରମା ଦୂରତ୍ୱର ଦୁଇ ଗୁଣରୁ ଅଧିକ। ଆନ୍ତର୍ଜାତୀୟ ଗ୍ରହାଣୁ ଚେତାବନୀ ନେଟୱାର୍କ (ଆଇଏଡବ୍ଲ୍ୟୁଏନ୍) ଏହାର କକ୍ଷପଥ ଓ ଗଠନ ଅଧ୍ୟୟନ ପାଇଁ ରାଡାର ଓ ଶକ୍ତିଶାଳୀ ଟେଲିସ୍କୋପ ବ୍ୟବହାର କରିବ।
ଯଦିଓ ଏହା ସମ୍ଭାବ୍ୟ ବିପଦଜନକ ଗ୍ରହାଣୁ ଭାବେ ଶ୍ରେଣୀବଦ୍ଧ, ବିଶେଷଜ୍ଞମାନେ ନିଶ୍ଚିତ କରିଛନ୍ତି ଯେ ଏଫଏ୨୨ ନିକଟ ଭବିଷ୍ୟତରେ ପୃଥିବୀ ସହ ଧକ୍କା ହେବ ନାହିଁ। ଏହାର ପରବର୍ତୀ ନିକଟ ଅତିକ୍ରମଣ ଶତାବ୍ଦୀ ପରେ ହେବ, ଯାହା ମଧ୍ୟ ନିରାପଦ ଦୂରତ୍ୱରେ ରହିବ। ଏହାଦ୍ୱାରା ଭବିଷ୍ୟତ ପ୍ରଭାବ ମଡେଲିଂ ଓ ସମାନ ବସ୍ତୁ ବିଷୟରେ ଅଧ୍ୟୟନ ଉନ୍ନତ ହେବ।
