ପ୍ରୀତିପୁର,୨୩।୮(ସୁଶାନ୍ତ ବେହୁରିଆ): ଯାଜପୁର ଜିଲା ବିଞ୍ଝାରପୁର ବ୍ଲକ୍ ଅଧୀନ ଘଣ୍ଟିଆଳି ଲେଙ୍କା ସାହିର ମୁଷନ ଯେନାଙ୍କ ପରିବାର ସରକାରୀ ସହାୟତାରୁ ବଞ୍ଚତ୍ତ ହୋଇଛନ୍ତି। ରୋଗଗ୍ରସ୍ତ ସ୍ବାମୀ ଓ ମାନସିକ ବିକୃତ ପୁଅକୁ ନେଇ ଭଙ୍ଗା କୁଡ଼ିଆରେ ବାସ କରୁଥିବା ଏହି ୭୫ ବର୍ଷୀୟା ମହିଳାଙ୍କ ଦୁଃଖ କହିଲେ ନ ସରେ। ପଟି ଲଗା କବାଟ, ବରଡ଼ା ପତ୍ର ଓ ଭଙ୍ଗା ଚାଳଘରେ ରହୁଥିବା ୩ ପ୍ରାଣୀଙ୍କ ରୋଜଗାର ଓ ସାହା କେବଳ ୧୫ କିଲୋ ରାଶନ ଚାଉଳ। ୨ ବର୍ଷ ହେବ ଘର ଛାଉଣି ହୋଇନାହଁି। ଚାଳ ଉପରେ ପାଲ ପଡ଼ିଛି। ଚାରିପଟ ଭଙ୍ଗା ଦଦରା କାନ୍ଥ। ଚିରା ଲୁଗା, ଜରି ବସ୍ତା ଓ ବରଡ଼ା ପତ୍ରରେ କାନ୍ଥ ଆବଦ୍ଧ ହୋଇଛି। କେତେବେଳେ କାନ୍ଥ ଶୋଇଯିବ ତାର ଭରସା ନାହିିଁ। ଘର ଦୁଆର ମୁହଁ ମାଟି ପିଣ୍ଡାରେ ତଳେ ଶୋଉଛନ୍ତି ପରିବାର ମୁଖ୍ୟ ରୋଜଗାରିଆ ସ୍ବାମୀ। ଅଣ୍ଟା ଭାଙ୍ଗିଯାଇଥିବାରୁ ରୋଜଗାର କରିବା ତ ଦୂରର କଥା ଚାଲିବା ବୁଲିବା ଅସମ୍ଭବ ହୋଇପଡ଼ିଛି ତାଙ୍କ ପାଇଁ। ପିଇବା ପାଣି ନ ଥିବାରୁ ସପ୍ତାହେ ଲାଗି ବୋତଲରେ ପାଣି ପୂରାଇ ମାଟିରେ ପୋତି ରଖୁଛନ୍ତି। ୫୦ ବର୍ଷୀୟ ପୁଅ ମାନସିକ ବିକୃତ ହୋଇଥିଲେବି ତାଙ୍କର ଭତ୍ତା ହୋଇପାରିନାହଁି। ତେବେ ବାରମ୍ବାର ଆବେଦନ ଓ ଗୁହାରି ପରେ ବି ବ୍ଲକ ପ୍ରଶାସନର ନଜର ପଡୁ ନ ଥିବାରୁ ଭାଗ୍ୟକୁ ଆଦରି ବଞ୍ଚତ୍ବାକୁ ପଡୁଛି ବୋଲି କହିଛନ୍ତି ମୂଷନ। ଆର୍ଥିକ ଅନଟନ ଥିବାରୁ ସ୍ବାମୀ ଓ ପୁତ୍ରର ଚିକିତ୍ସା କରିପାରୁନାହାନ୍ତି ସେ। ସରକାରୀସ୍ତରରେ ଘର ଦେବା ତ ଦୂରର କଥା ଶୌଚାଳୟଟିଏ ବି ଦିଆଯାଇନାହିଁ। ବିଦ୍ୟୁତ୍ ତାଙ୍କ ପାଇ ସାତସପନ ପାଲଟିଛି। ଏହି ପରିବାର ଲାଗି ବଞ୍ଚତ୍ବାର ଶୈଳୀ ଏକ ପ୍ରକାର ଅନ୍ଧକାରମୟ ହୋଇପଡ଼ିଛି। ତେଣୁ ଜିଲାପାଳ ତୁରନ୍ତ ଏହି ପରିବାରକୁ ସରକାରୀ ସହାୟତା ଯୋଗାଇଦେବା ନିମନ୍ତେ ଗ୍ରାମବାସୀ ଦାବି କରିଛନ୍ତି।
