ନୂଆଦିଲ୍ଲୀ,୧୭।୯: ୨୦୨୦ ଆଇପିଏଲ୍ରେ ମୁମ୍ବାଇ ଇଣ୍ଡିଆନ୍ସର ଓ୍ବିକେଟ୍କିପର ଭାବେ ନଜର ଆସିବେ କ୍ୱିଣ୍ଟନ୍ ଡି କକ୍। ନିଜ ଖେଳକୁ ନେଇ ପରିଚିତ କ୍ୱିଣ୍ଟନଙ୍କ ବ୍ୟକ୍ତିଗତ ଜୀବନ ବିଷୟରେ ସେତେଟା କେହି ଜାଣନ୍ତି ନାହିଁ। କାରଣଟି ହେଲା ସେ ସର୍ବଦା ଲାଇମ୍ଲାଇଟ୍ରୁ ଦୂରରେ ରୁହନ୍ତି। ଏହି ଖେଳାଳି ଚିୟରଲିଡରଙ୍କୁ ନିଜର ହୃଦୟ ଦେଇ ବସିଥିଲେ। ଫେସବୁକ୍ରୁ ତାଙ୍କ ପ୍ରେମକାହାଣୀ ଆରମ୍ଭ ହୋଇ ବିବାହରେ ଶେଷ ହୋଇଛି।
ଡି କକ୍ ଏବଂ ସାଶା ହର୍ଲେ ପ୍ରଥମ ଥର ପାଇଁ ୨୦୧୨ ଚମ୍ପିଆନ୍ସ ଲିଗ୍ର ଏକ ମ୍ୟାଚ୍ରେ ପରସ୍ପରକୁ ଭେଟିଥିଲେ। ମ୍ୟାଚ୍ରେ ଚିୟରଲିଡର ଥିଲେ ସାଶା। ଉକ୍ତ ମ୍ୟାଚ୍ରେ ଡି କକ୍ ଭଲ ପ୍ରଦର୍ଶନ କରିଥିଲେ। ଖେଳ ଶେଷ ହେବା ପରେ ସାଶା ତାଙ୍କୁ ଶୁଭେଚ୍ଛା ଜଣାଇବାକୁ ଆସିଥିଲେ। ପରେ ତାଙ୍କୁ ଫେସବୁକ୍ରେ ଡି କକ୍ ଧନ୍ୟବାଦ ଜଣାଇଥିଲେ। ଏହାପରଠାରୁ ଉଭୟ କଥା ହେବାକୁ ଲାଗିଥିଲେ।
ଧିରେ ଧିରେ ଏହା ପ୍ରେମରେ ପରିଣତ ହୋଇଥିଲା। ବହୁତ ସାହସ କରି ସାଶାଙ୍କୁ ଫୋନ୍ ନଂ ମାଗିଥିଲେ ଡି କକ୍। ପରେ ଫୋନ୍ରେ ଉଭୟ କଥା ହୋଇଥିଲେ। ଦୀର୍ଘ ୩ ବର୍ଷ ଧରି ସେଭଳି ଚାଲିଥିଲା। ସେମାନେ ପରସ୍ପରକୁ ଡେଟ୍ କରିଥିଲେ। ୨୦୧୫ରେ ଉଭୟ ନିର୍ବନ୍ଧ କରି ନେଇଥିଲେ। ୨୦୧୬ରେ ସେମାନେ ବିବାହ ବନ୍ଧନରେ ଆବଦ୍ଧ ହୋଇଥିଲେ।
