ଇସଲାମାବାଦ,୬।୫: ଖଲିସ୍ତାନ ସମର୍ଥକଙ୍କ ସହ ଜଡିତ ପାକିସ୍ତାନରୁ ଏବ ବଡ ଖବର ସାମ୍ନାକୁ ଆସିଛି। ମୋଷ୍ଟ ଓ୍ବାଣ୍ଟେଡ ଖଲିସ୍ତାନୀ ଆତଙ୍କବାଦୀ ପରମଜିତ ସିଂ ପଂଜଓ୍ବରଙ୍କୁ ପାକିସ୍ତାନର ଲାହୋରରେ ହତ୍ୟା କରାଯାଇଛି। ପରମଜିତ ସିଂ ପଂଜଓ୍ବର ନାମ ବଦଳାଇ ପାକିସ୍ତାନରେ ରହୁଥିଲେ ଓ ସେହିଠାରୁ ହିଁ ସେ ଖଲିସ୍ତାନ ସମର୍ଥିତ ଗତିବିଧିକୁ କାର୍ଯ୍ୟକାରୀ କରୁଥିଲେ।
ମିଳିଥିବା ସୂଚନା ଅନୁଯାୟୀ, ପରମଜିତ ସିଂ ପଂଜଓ୍ବରଙ୍କୁ କେତେଜଣ ବାଇକ ଚାଲକ ଟାର୍ଗେଟ କରିଥିଲେ। ବାଇକରେ ଆସିଥିବା ୨ ଆକ୍ରମଣକାରୀ ଲାହୋରର ଜୌହର କସବେ ଭଳି ଆତି ସନଫ୍ଲାଓ୍ବାର ସୋସାଇଟି ମଧ୍ୟରେ ପ୍ରବେଶ କରି ଆଖିବୁଜା ଗୁଳି ଚଳାଇଥିଲେ। ଏହାପରେ ଆକ୍ରମଣକାରୀ ସେଠାରୁ ଫେରାର ହୋଇଯାଇଥିଲେ। କୁହାଯାଉଛି କି ଘଟଣାସ୍ଥଳରେ ହିଁ ପରମଜିତ ସିଂ ପଂଜଓ୍ବରଙ୍କର ମୃତ୍ୟୁ ହୋଇଯାଇଥିଲା।
