ନୂଆଦିଲ୍ଲୀ, ୧।୧୦ : ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଜନ୍ମଦିନ ଅବସରରେ ସେପ୍ଟେମ୍ବର ୧୭ ରୁ ଆରମ୍ଭ ହୋଇଥିବା ୧୫ ଦିନିଆ ରକ୍ତଦାନ ଅଭିଯାନରେ ଅଢ଼େଇ ଲକ୍ଷରୁ ଅଧିକ ଲୋକ ସ୍ବେଛାକୃତ ରକ୍ତ ଦାନ କରିଥିଲେ। ଏହି ଅଭିଯାନର ନାମ ରକ୍ତ ଦାନ ଅମୃତ ମହୋତ୍ସବ ନାମରେ ନାମିତ କରାଯାଇଥିଲା।
କେନ୍ଦ୍ର ସ୍ବାସ୍ଥ୍ୟମନ୍ତ୍ରୀ ମନସୁଖ ମାଣ୍ଡବ୍ୟ ଏହି ସୂଚନା ଦେଇଛନ୍ତି। ଜାତୀୟ ସ୍ବେଚ୍ଛାକୃତ ରକ୍ତ ଦାନ ଦିବସ ଅବସରରେ ଦିଲ୍ଲୀର ଏମ୍ସ ଠାରେ ହୋଇଥିବା ସମାବେଶକୁ ସମ୍ବୋଧିତ କରି ସେ କହିଛନ୍ତି ଯେ ରକ୍ତଦାନ ଅମୃତ ମହୋତ୍ସବର ସଫଳତା ମାନବିକତାକୁ ଆହୁରି ମଜବୁତ କରିଛି। ଲୋକଙ୍କ ଦ୍ୱାରା ହୋଇଥିବା ରକ୍ତଦାନ ଅନେକ ମୂଲ୍ୟବାନ ଜୀବନ ରକ୍ଷା କରିବାରେ ସହାୟକ ହେବ ।
ସେ କହିଛନ୍ତି ଯେ ରକ୍ତ ଦାନ କରିବା ଏକ ମହାନ କାର୍ଯ୍ୟ। ଆମର ସମୃଦ୍ଧ ସଂସ୍କୃତି, ସେବା ପରମ୍ପରା ଏବଂ ସହଯୋଗର ପରମ୍ପରାକୁ ଦୃଷ୍ଟିରେ ରଖି ଆସନ୍ତୁ ସମସ୍ତେ ନିୟମିତ ଭାବରେ ରକ୍ତ ଦାନ କରିବା। କରୋନା ମହାମାରୀ ବିରୋଧରେ ଭାରତର ଲଢ଼େଇରେ ଲୋକଙ୍କ ଅଂଶଗ୍ରହଣର ଏକ ସମୃଦ୍ଧ ପରମ୍ପରା ଦ୍ୱାରା ଅନୁପ୍ରାଣିତ ହୋଇଥିଲା। ଏହା ହିଁ ଆମକୁ ମହାମାରୀ ପ୍ରତିରୋଧକୁ ପରିଚାଳନା କରିବା ଏବଂ ବିଶ୍ୱର ସର୍ବବୃହତ କରୋନା ଟିକାକରଣ ଅଭିଯାନକୁ ଆଗେଇ ନେବାରେ ସାହାଯ୍ୟ କରିଥିଲା।
ରକ୍ତ ଦାନ ଅମୃତ ମହୋତ୍ସବଙ୍କର ଉଦ୍ଦେଶ୍ୟ ହେଉଛି ରକ୍ତଦାନ, ରକ୍ତ ବଣ୍ଟନ ଏବଂ ରକ୍ତ ପରିଚାଳନା। ଏହି କାର୍ଯ୍ୟକ୍ରମରେ ଆଦର୍ଶ କାର୍ଯ୍ୟ କରିଥିବା ରକ୍ତଦାତାଙ୍କୁ ସେ ଅଭିନନ୍ଦନ ଜଣାଇଛନ୍ତି। ଏହି ଅବସରରେ କେତେକ ବିରଳ ରକ୍ତ ସମୂହ ଦାତା, ନିୟମିତ ଏକକ ଦାତା ପ୍ଲେଟଲେଟ ଦାତା, ମହିଳା ରକ୍ତଦାତା ଏବଂ ନିୟମିତ ସ୍ବେଚ୍ଛାକୃତ ରକ୍ତଦାତାମାନଙ୍କୁ ସମ୍ମାନିତ କରାଯାଇଥିଲା ।
