ଦୁବାଇ,୨୦।୨: ଚାମ୍ପିଅନ୍ସ ଟ୍ରଫିର ପ୍ରଥମ ମ୍ୟାଚରେ ବାଂଲାଦେଶ ବିପକ୍ଷରେ ମହମ୍ମଦ ଶାମି ଇତିହାସ ରଚିଛନ୍ତି। ସେ ଜାକେର ଅଲିଙ୍କ ରୂପରେ ତାଙ୍କର ୨୦୦ତମ ଦିନିକିଆ ଉଇକେଟ ପୂରଣ କରିଥିଲେ। ସେ ମିଚେଲ ଷ୍ଟାର୍କଙ୍କ ପରେ ଦ୍ୱିତୀୟ ବୋଲର ଭାବରେ ଦିନିକିଆ ଫର୍ମାଟରେ ଦ୍ରୁତତମ ୨୦୦ ଉଇକେଟ ହାସଲ କରିଛନ୍ତି।
ବାଂଲାଦେଶ ବିପକ୍ଷରେ ଚାମ୍ପିଅନ୍ସ ଟ୍ରଫିର ପ୍ରଥମ ମ୍ୟାଚ ହେଉଛି ମହମ୍ମଦ ଶାମିଙ୍କ ୧୦୪ତମ ଦିନିକିଆ ମ୍ୟାଚ। ଏହି ମ୍ୟାଚ୍ରେ ପ୍ରଥମ ଓଭରରେ ଶାମି ଗୋଟିଏ ଉଇକେଟ ନେଇଥିଲେ। ସେ ସୌମ୍ୟ ସରକାରଙ୍କୁ ଶୂନ୍ୟରେ ବୋଲ୍ଡ କରିଥିଲେ। ପାୱାରପ୍ଲେରେ ହିଁ ସେ ମେହିଦି ହାସନଙ୍କ ରୂପରେ ଆଉ ଏକ ବଡ଼ ଉଇକେଟ ନେଇଥିଲେ।
ଜାକେର ଅଲି ୬୮ ରନ କରିବା ପରେ ଖେଳୁଥିଲେ। ୪୩ତମ ଓଭରର ଚତୁର୍ଥ ବଲ୍ରେ ବିରାଟ କୋହଲିଙ୍କ ହାତରେ କ୍ୟାଚ କରାଇ ଶାମି ତାଙ୍କର ୨୦୦ତମ ଦିନିକିଆ ଉଇକେଟ ପୂରଣ କରିଥିଲେ। ଶାମି ୨୦୦ ଦିନିକିଆ ଉଇକେଟ ନେବାରେ ଦ୍ୱିତୀୟ ଦ୍ରୁତତମ ବୋଲର ହୋଇଥିଲେ। ପ୍ରଥମ ସ୍ଥାନରେ ଅଛନ୍ତି ଅଷ୍ଟ୍ରେଲିୟ ଦ୍ରୁତ ବୋଲର ମିଚେଲ ଷ୍ଟାର୍କ, ସେ ୧୦୨ ମ୍ୟାଚ ଖେଳି ଏହି ସଂଖ୍ୟା ହାସଲ କରିଛନ୍ତି। ଶାମି ୧୦୪ଟି ମ୍ୟାଚ୍ରେ ୨୦୦ ଉଇକେଟ ପୂରଣ କରିଥିଲେ।
୨୦୦ ଉଇକେଟ ନେବାରେ ୮ମ ଭାରତୀୟ ବୋଲର।
ଭାରତ ପାଇଁ ଦିନିକିଆରେ ସର୍ବାଧିକ ଉଇକେଟ ନେଇଥିବା ବୋଲର ହେଉଛନ୍ତି ଅନିଲ କୁମ୍ବଲେ। ସେ ୨୭୧ଟି ମ୍ୟାଚ ଖେଳି ୩୩୭ ରନ କରିଛନ୍ତି।
୧. ଅନିଲ କୁମ୍ବଲେ (୩୩୭)
୨. ଜଭଗଲ ଶ୍ରୀନାଥ (୩୧୫)
୩. ଅଜିତ ଅଗରକର (୨୮୮)
୪. ଜାହିର ଖାନ (୨୮୨)
୫. ହରଭଜନ ସିଂହ (୨୬୯)
୬. କପିଳ ଦେବ (୨୫୩)
୭. ରବିନ୍ଦ୍ର ଜାଡେଜା (୨୨୬)
୮. ମହମ୍ମଦ ଶାମି (୨୦୦)
