ନୂଆଦିଲ୍ଲୀ,୭।୭: ମୋଦି ସରନେମ ମାମଲାରେ ଗୁଜରାଟ ହାଇକୋର୍ଟଙ୍କ ରାୟ ପରେ କଂଗ୍ରେସ ମହାସଚିବ ପ୍ରିୟଙ୍କା ଗାନ୍ଧୀଙ୍କ ପ୍ରଥମ ପ୍ରତିକ୍ରିୟା ସାମ୍ନାକୁ ଆସିଛି।ସେ ଏକ କବିତା ଲେଖି ଟୁଇଟ କରିଛନ୍ତି। ଏଥିରେ ସେ ଭାଇ ରାହୁଲ ଗାନ୍ଧୀଙ୍କୁ ଉତ୍ସାହିତ କରିବା ସହ କେନ୍ଦ୍ରର ଭାଜପା ସରକାରଙ୍କୁ ଟାର୍ଗେଟ କରିଛନ୍ତି।
ସେ କହିଛନ୍ତି ଯେ ରାହୁଲ ଗାନ୍ଧୀ ଅହଂକାରୀ ଶକ୍ତି ସାମ୍ନାରେ ଲୋକଙ୍କ ସତ୍ୟ ଏବଂ ସ୍ବାର୍ଥର ଲଢେଇ ଲଢିଛନ୍ତି। ଏହି ଟୁଇଟରେ ପ୍ରିୟଙ୍କା ମୁଦ୍ରାସ୍ଫୀତି, ବେକାରୀ ଏବଂ ଚାଷିଙ୍କ ପ୍ରସଙ୍ଗରେ ସରକାରଙ୍କୁ ଟାର୍ଗେଟ କରିଛନ୍ତି। ସେ ଅଭିଯୋଗ କରିଛନ୍ତି ଯେ ଜନସାଧାରଣ ସମ୍ବନ୍ଧିତ ପ୍ରସଙ୍ଗରୁ ଧ୍ୟାନ ଆକର୍ଷଣ କରିବା ପାଇଁ ସରକାର ସାମ, ଦାମ, ଦଣ୍ଡ, ଭେଦ, ଛଳ, କପଟ ଆପଣାଉଛନ୍ତି।
କୋର୍ଟଙ୍କ ନିଷ୍ପତ୍ତି ପରେ ପ୍ରିୟଙ୍କା ଗାନ୍ଧୀ ଏକ ଟୁଇଟରେ କହିଛନ୍ତି, ଗ୍ରୀଷ୍ମ ବାକି ଅଛି, ଜନଗଙ୍ଗାକୁ ଖୋଲା ଭାବେ ପ୍ରବାହିତ ହେବାକୁ ଦିଆଯାଉ, ଶିଖରଗୁଡିକ ବୁଡ଼ିଯାଉ ଏବଂ ମୁକୁଟଗୁଡିକ ଭାସି ଯାଉ।
ସେ କହିଛନ୍ତି ଯେ ରାହୁଲ ଗାନ୍ଧୀ ଅହଂକାରୀ ଶକ୍ତି ସାମ୍ନାରେ ଲୋକଙ୍କ ସତ୍ୟ ଏବଂ ସ୍ବାର୍ଥର ଲଢେଇ କରୁଛନ୍ତି। ଅହଂକାରୀ ଶକ୍ତି ଚାହୁଁଛି ଯେ ଜନସାଧାରଣଙ୍କ ସ୍ବାର୍ଥର ପ୍ରଶ୍ନ ଉଠାଯାଉ ନାହିଁ, ଅହଂକାରୀ ଶକ୍ତି ଚାହୁଁଛି ଯେ ଦେଶର ଲୋକଙ୍କ ଜୀବନରେ ଉନ୍ନତିର ପ୍ରଶ୍ନ ନ ଉଠୁ। ଦେଶର ଜନତାଙ୍କ ଜୀବନ ଉଜ୍ୱଳ ହେବାର ପ୍ରଶ୍ନ ବି ନ ଉଠୁ। ମୁଦ୍ରାସ୍ଫୀତି ଉପରେ ପ୍ରଶ୍ନ ପଚରା ନ ଯାଉ, ଯୁବକ କୃଷକଙ୍କ ନିଯୁକ୍ତି ଉପରେ କୌଣସି ଆଲୋଚନା ନ ହେଉ, କୃଷକଙ୍କ କଲ୍ୟାଣ ପାଇଁ କୌଣସି ସ୍ବର ରହିବା ଉଚିତ ନୁହେଁ, ମହିଳାଙ୍କ ଅଧିକାର ବିଷୟରେ କଥାବାର୍ତ୍ତା ହେବା ଉଚିତ ନୁହେଁ, ଶ୍ରମିକଙ୍କ ସମ୍ମାନର ପ୍ରଶ୍ନ ହେବା ମଧ୍ୟ ଉଚିତ ନୁହେଁ। ଅହଂକାରୀ ଶକ୍ତି ଏହାକହିଁ ଚାହୁଁଛି ବୋଲି ପ୍ରିୟଙ୍କା କହିଛନ୍ତି।
