ନୂଆଦିଲ୍ଲୀ,୨୭/୯: ରବିବାର ଭାରତ ନିଜର ୭୬ତମ ସାଧାରଣତନ୍ତ୍ର ଦିବସ ପାଳନ କରିବା ସହ ନିଜର ସାମରିକ ଶକ୍ତି ପ୍ରଦର୍ଶନ କରିଛି। ଏହି ପ୍ରଦର୍ଶନୀରେ ଶ୍ରେଷ୍ଠ ସୈନ୍ୟ, କ୍ଷେପଣାସ୍ତ୍ର ଏବଂ ବିଭିନ୍ନ ସ୍ୱଦେଶୀ ଅସ୍ତ୍ରଶସ୍ତ୍ରର ଝଲକ ଦେଖିବାକୁ ମିଳିଥିଲା। ଏହି ଅବସରରେ ଇଣ୍ଡୋନେସିଆ ରାଷ୍ଟ୍ରପତି ପ୍ରବୋଓ ସୁବିଆଣ୍ଟୋ ମୁଖ୍ୟ ଅତିଥି ଭାବେ ଯୋଗ ଦେଇଥିଲେ। ସାଧାରଣତନ୍ତ୍ର ଦିବସ ଅବସରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ନାଲି ଓ ହଳଦିଆ ରଙ୍ଗର ପଗଡ଼ି ପିନ୍ଧିଥିଲେ। ସେ ଏହାକୁ ଧଳା କୁର୍ତା-ପାଇଜାମା ଏବଂ ବ୍ରାଉନ୍ ଜ୍ୟାକେଟ୍ ସହିତ ପିନ୍ଧିଥିଲେ।
ଏବେ ସୋସିଆଲ ମିଡିଆରେ ଏକ ଭିଡିଓ ଭାଇରାଲ ହେବାରେ ଲାଗିଛି, ଯେଉଁଥିରେ ପ୍ରଧାନମନ୍ତ୍ରୀ ମୋଦି ଉପରାଷ୍ଟ୍ରପତି ଜଗଦୀପ ଧନଖଡରଙ୍କୁ କର୍ତ୍ତବ୍ୟ ପଥରେ ସ୍ୱାଗତ କରିବା ପାଇଁ ଠିଆ ହୋଇଛନ୍ତି । ସ୍ଵାଗତର କିଛି ସମୟ ପୂର୍ବରୁ ଏହି ଭିଡିଓ ଶୁଟିଂ କରାଯାଇଥିଲା।
MyGov ସୋସିଆଲ ମିଡିଆ ହ୍ୟାଣ୍ଡେଲ ଏକ୍ସରେ ଭିଡିଓ ସେୟାର କରି ପ୍ରଧାନମନ୍ତ୍ରୀ ମୋଦିଙ୍କୁ ସ୍ୱଚ୍ଛ ଭାରତର ରାଷ୍ଟ୍ରଦୂତ ବୋଲି ବର୍ଣ୍ଣନା କରିଛି। ଭିଡିଓରେ ଦାବି କରାଯାଉଛି ଯେ, ମୋଦି ଆବର୍ଜନା ଉଠାଇ ନିଜ ବ୍ୟକ୍ତିଗତ ସୁରକ୍ଷା କର୍ମୀଙ୍କୁ ଦେଉଛନ୍ତି, ଯିଏ ଏହାକୁ ନିଜ ପକେଟରେ ରଖିଛନ୍ତି । ଏହି ଭିଡିଓର କ୍ୟାପ୍ସନରେ MyGov ଇଣ୍ଡିଆ ଲେଖିଛି, ‘
ସ୍ୱଚ୍ଛ ଭାରତ ରାଷ୍ଟ୍ରଦୂତ- ପ୍ରଧାନମନ୍ତ୍ରୀ ନରେନ୍ଦ୍ର ମୋଦି!
କର୍ତ୍ତବ୍ୟ ପଥରେ ସାଧାରଣତନ୍ତ୍ର ଦିବସ ପାଳନ ଅବସରରେ ପ୍ରଧାନମନ୍ତ୍ରୀ ମୋଦି ଉପରାଷ୍ଟ୍ରପତିଙ୍କୁ ସ୍ୱାଗତ କରିବା ସମୟରେ ଆବର୍ଜନା ଉଠାଇ ସ୍ୱଚ୍ଛତାର ଗୁରୁତ୍ୱ ଦର୍ଶାଇଥିଲେ।
https://x.com/mygovindia/status/1883408187807891561?t=OvXBpLhXZM2WGO4_DVKurQ&s=09
