ନୂଆଦିଲ୍ଲୀ,୨୯।୧୨:ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସରକାରଙ୍କ ଅଧିନରେ ଥିବା ମନ୍ତ୍ରଣାଳୟ ଅଦକାରୀ ଫାଇଲ୍, ଖରାପ ହୋଇଯାଇଥିବା ଅଫିସ ଉପକରଣ ଓ ପୁରୁଣା ଗାଡି ଇତ୍ୟାଦି କବାଡି ବାଲାକୁ ବିକ୍ରି କରି ମାଲମାଲ ହୋଇଛନ୍ତି। ଏହି ଅଦରକାରୀ ଜିନିଷ ବିକି ସରକାର ଚନ୍ଦ୍ରାୟାନ-୩ ବଜେଟ ୬୦୦କୋଟି ଟଙ୍କାର ଦୁଇଗୁଣ ଅଧିକ ଟଙ୍କା ଆୟ କରିଛନ୍ତି।
ଅକ୍ଟୋବର ୨୦୨୧ରୁ ଏବେ ଯାଏଁ ଅଦରକାରୀ ଜିନିଷ ବିକ୍ରି କରି ସରକାର ୧୧୬୩ କୋଟି ଟଙ୍କା ପାଇଛନ୍ତି। କେବଳ ଅକ୍ଟୋବରରେ ହିଁ ସରକାର ଅନାବଶ୍ୟକ ଫାଇଲ ବିକ୍ରି କରି ୫୫୭କୋଟି ଟଙ୍କା ଆମଦାନୀ କରିଥିବା ଜଣାପଡିଛି। ୨୦୨୧ ଅକ୍ଟୋବରରେ କେନ୍ଦ୍ର ସରକାଙ୍କ କାର୍ଯ୍ୟଳୟ ୯୬ଲକ୍ଷ ଫାଇଲକୁ ହଟାଇ ଦେଇଛନ୍ତି। ଏହିସବୁର ହାର୍ଡ କପିକୁ ହଟାଇ କମ୍ପ୍ୟୁଟରରେ ଅପଲୋଡ କରାଯାଇଛି। ଏଥିରୁ ଏକ ଫାଇଦା ହୋଇଛି କି, ବିଭିନ୍ନ ସରକାରୀ କାର୍ଯ୍ୟାଳୟରୁ ପାଖାପାଖି ୩୫୫ଲକ୍ଷ ବର୍ଗ ଫୁଟ ସ୍ଥାନ ଖାଲି ହୋଇଯାଇଛି।
କେନ୍ଦ୍ର ସରକାର ଏହି ବର୍ଷ ଅଦରକାରୀ ଜିନିଷ ବିକି ୫୫୬କୋଟି ଟଙ୍କା ଆୟ କରିଛନ୍ତି ଯେଉଁଥିରୁ ରେଳ ମନ୍ତ୍ରଣାଳୟ ୨୨୫କୋଟି ଆୟ କରିଛି। ସେହିପରି ପ୍ରତିରକ୍ଷା ମନ୍ତ୍ରଣାଳୟ ୧୬୮କୋଟି, ପେଟ୍ରୋଲିୟମ ଓ ପ୍ରାକୃତିକ ଗ୍ୟାସ ମନ୍ତ୍ରଣାଳୟ ୫୬କୋଟି ଏବଂ କୋଇଲା ମନ୍ତ୍ରଣାଳୟ ୩୪କୋଟି ଟଙ୍କା ଆୟ କରିଛି।
ଚଳିତ ବର୍ଷ ସରକାର ୨୪ଲକ୍ଷ ଫାଇଲ ହଟାଇଛନ୍ତି। ଏଥିରୁ ସର୍ବାଧିକ ବୈଦେଶିକ ମନ୍ତ୍ରଣାଳୟରୁ ୩.୯ଲକ୍ଷ ଫାଇଲ, ପ୍ରତିରକ୍ଷା ବିଭାଗରୁ ୩.୧୫ଲକ୍ଷ ଫାଇଲ ହଟାଯାଇଛି। ଏପରି କରି କେନ୍ଦ୍ର ସରକାର ୯୬ଶତକଡା ଇ-ଫାଇଲର ପ୍ରଚଳନ କରିଛନ୍ତି।
ବ୍ୟକ୍ତିଗତ ଓ ଜନ ଅଭିଯୋଗ ରାଜ୍ୟ ମନ୍ତ୍ରୀ ଜିତେନ୍ଦ୍ର ସିଂହ କହିଛନ୍ତି, ଋଷିଆର ଚନ୍ଦ୍ର ମିଶନ ୧୬ହଜାର କୋଟି ଟଙ୍କା ଥିବାବେଳେ ଆମର ଚନ୍ଦ୍ରାୟାନ-୩ ମିଶନ ୬୦୦କୋଟି ଟଙ୍କା ରହିଛି। ସେହିପରି ଚନ୍ଦ୍ର ଓ ମହାକାଶ ମିଶନକୁ ନେଇ ଆଧାରିତ ହଲିଉଡ ଫିଲ୍ମ ୬୦୦କୋଟି ଟଙ୍କାରୁ ଅଧିକରେ ପ୍ରସ୍ତୁତ ହୋଇଛି। କିନ୍ତୁ ସରକାରୀ ବିଭିନ୍ନ ମନ୍ତ୍ରଣାଳୟରୁ ଅଦରକାରୀ ଜିନିଷ ବିକ୍ରି ୧୧୬୩କୋଟି ଟଙ୍କା ରାଜସ୍ବ ହାସଲ ହୋଇଛି। ଏହି ସଂଖ୍ୟା ଦର୍ଶାଉଛି କି, ସ୍ବଚ୍ଛତା ଉପରେ କରାଯାଉଥିବା ସରକାରୀ କାର୍ଯ୍ୟକ୍ରମର ଗୁରୁତ୍ୱ କେତେ ରହିଛି। ଏହାର ପ୍ରକୃତ ଶ୍ରେୟ ମୋଦି ସରକାରଙ୍କୁ ଯାଉଛି।
