ନୂଆଦିଲ୍ଲୀ,୨୩।୧୨: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସୋମବାର ଦିନ ଭିଡିଓ କନଫରେନ୍ସିଂ ମାଧ୍ୟମରେ ୭୧ହଜାରରୁ ଅଧିକ ଯୁବକଙ୍କୁ ସରକାରୀ ଚାକିରି ପାଇଁ ନିଯୁକ୍ତି ପତ୍ର ବଣ୍ଟନ କରିଛନ୍ତି। ଏଥିପାଇଁ ଦେଶର ୪୫ ଟି ସ୍ଥାନରେ ନିଯୁକ୍ତି ମେଳା ଆୟୋଜନ କରାଯାଇଥିଲା। ଏହି ନୂତନ ନିଯୁକ୍ତିରେ ସମସ୍ତ ବର୍ଗର ପ୍ରାର୍ଥୀଙ୍କୁ ନିଯୁକ୍ତି ଦିଆଯାଇଛି। ଯେଉଁଥିରେ ଅନ୍ୟ ପଛୁଆ ଶ୍ରେଣୀର ପ୍ରାର୍ଥୀଙ୍କ ସଂଖ୍ୟା ଅଧିକ ରହିଛି। କେନ୍ଦ୍ର ମନ୍ତ୍ରୀ ଜିତେନ୍ଦ୍ର ସିଂ କହିଛନ୍ତି ଯେ ଏହି ୭୧ହଜାର ନିଯୁକ୍ତି ମଧ୍ୟରୁ ୧୧,୩୫୫ ଅର୍ଥାତ୍ ୧୫.୮ ପ୍ରତିଶତ ନିଯୁକ୍ତି SC ୬୮୬୨ ଅର୍ଥାତ୍ ୯.୫୯ ପ୍ରତିଶତ ST ବର୍ଗରେ କରାଯାଇଛି।
ଯୁବକମାନଙ୍କୁ ନିଯୁକ୍ତି ପତ୍ର ବଣ୍ଟନ କରିବା ପରେ ପ୍ରଧାନମନ୍ତ୍ରୀ ମଧ୍ୟ ସେମାନଙ୍କୁ ସମ୍ବୋଧିତ କରିଥିଲେ। ଏହି ସମୟରେ ସେ କହିଛନ୍ତି ଯେ ଦେଶର ହଜାର ହଜାର ଯୁବକମାନଙ୍କ ପାଇଁ ଆପଣଙ୍କ ସମସ୍ତଙ୍କ ପାଇଁ ଜୀବନର ଏକ ନୂତନ ଆରମ୍ଭ ଆସୁଛି। ତୁମର ବର୍ଷ ବର୍ଷର ସ୍ବପ୍ନ ସାକାର ହୋଇଛି। ବହୁ ବର୍ଷର ପରିଶ୍ରମ ସତ୍ୟ ହୋଇଛି ୨୦୨୪ର ଏହି ବିଗତ ବର୍ଷ ଆପଣଙ୍କୁ ଏବଂ ଆପଣଙ୍କ ପରିବାର ସଦସ୍ୟଙ୍କୁ ନୂତନ ସୁଖ ଦେବାକୁ ଯାଉଛି। ମୁଁ ଆପଣ ସମସ୍ତ ଯୁବକ ଏବଂ ଆପଣଙ୍କ ପରିବାରକୁ ଅଭିନନ୍ଦନ ଜଣାଉଛି।
ପ୍ରଧାନମନ୍ତ୍ରୀ ମୋଦି ଆହୁରି କହିଛନ୍ତି, ଭାରତର ଯୁବବର୍ଗଙ୍କ ସାମର୍ଥ୍ୟ ଏବଂ ପ୍ରତିଭାକୁ ବ୍ୟବହାର କରିବା ଆମ ସରକାରଙ୍କର ସବୁଠାରୁ ବଡ଼ ପ୍ରାଥମିକତା। ଗତ ଦଶ ବର୍ଷ ଧରି ସରକାରଙ୍କ ବିଭିନ୍ନ ମନ୍ତ୍ରଣାଳୟ ଏବଂ ବିଭାଗଗୁଡ଼ିକ ନିଯୁକ୍ତି ମେଳା ମାଧ୍ୟମରେ ଏହି ଦିଗରେ କାର୍ଯ୍ୟ କରୁଛୁ। ୭୧ ହଜାରରୁ ଅଧିକ ଯୁବକଙ୍କୁ ନିଯୁକ୍ତି ପତ୍ର ଦିଆଯାଇଛି। ଆମ ସରକାର ଏମିତି ୧୦ ଲକ୍ଷ ଯୁବକଙ୍କୁ ସରକାରୀ ଚାକିରି ଦେବା ଆପଣାଛାଏଁ ଏକ ବଡ ଉପଲବ୍ଧି ବୋଲି ସେ କହିଛନ୍ତି।
