ନୂଆଦିଲ୍ଲୀ,୩୦ ।୧୧: କରୋନା ମହାମାରୀକୁ ନେଇ ସାରା ବିଶ୍ୱରେ ଏବେ ଭ୍ୟାକ୍ସିନ ପ୍ରସ୍ତୁତି କାର୍ଯ୍ୟ ଆଗେଇ ଚାଲିଥିବା ବେଳେ ଭାରତ ବି ଏ କ୍ଷେତ୍ରରେ ପଛରେ ନାହିଁ । ଦେଶରେ କରୋନା ଭ୍ୟାକ୍ସିନ ପ୍ରସ୍ତୁତ କରୁଥିବା ୩ଟି ଟିମ୍ ସହ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏକ ଭର୍ଚୁଆଲ ବୈଠକ କରିଛନ୍ତି । ଏଥିରେ ସେ କହିଛନ୍ତି ଭ୍ୟାକ୍ସିନ ସମ୍ପର୍କିତ ତଥ୍ୟକୁ ସରଳ ଭାଷାରେ ବୁଝାଇ ଦିଆଯାଉ । ଏହି ସମୟରେ ସେ ଜେନୋଭା ବାୟୋଫାର୍ମା, ବାୟୋଲଜିକାଲ ଇ ଓ ଡ. ରେଡ୍ଡିର ସହଯୋଗକୁ ପ୍ରଶଂସା କରିଛନ୍ତି । ଶନିବାର ମୋଦି କରୋନା ଭ୍ୟାକ୍ସିନ ପ୍ରସ୍ତୁତ ସମ୍ପର୍କରେ ସମୀକ୍ଷା କରିବା ଲାଗି ଦେଶର ୩ଟି ସ୍ଥାନ ଗସ୍ତ କରିଥିଲେ । ସୂଚନାଯୋଗ୍ୟ, କରୋନା ମହାମାରୀର ମୁକାବିଲା କରିବାକୁ ଏବେ ସାରା ଦେଶରେ ଭ୍ୟାକ୍ସିନ ପ୍ରସ୍ତୁତି ଚାଲିଥିବା ବେଳେ ଗୋଟିଏ ଦୁଇଟି ଭ୍ୟାକ୍ସିନ ଟ୍ରାଏଲ ପର୍ଯ୍ୟାୟରେ ଥିବା ବେଳେ ଆଉ ଗୋଟି କି ଦୁଇଟି ଲୋକମାନଙ୍କ ଅତି ନିକଟତର ହୋଇ ଗଲାଣି ।
