ଧର୍ମଶାଳା,୩।୬(ଶିବ ପ୍ରାସାଦ ମହାନ୍ତି): ଯାଜପୁର ଜିଲା କୁଆଖିଆ ଥାନା ଅନ୍ତର୍ଗତ ଶ୍ରୀବନ୍ତପୁର ପଂଚାୟତ ର
ବାର୍ଡାଙ୍ଗି ଗ୍ରାମର ପାପୁନ ସାମଲ ସାବିତ୍ରୀ ବ୍ରତରେ ନିଖୋଜ ହୋଇଥିଲେ। ଯାହାକୁ ନେଇ ଶୁଭଲକ୍ଷ୍ମୀଙ୍କ ପରିବାର କୁଆଖିଆ ଥାନା ରେ ଅଭିଯୋଗ ମଧ୍ୟ କରିଥିଲେ। କିନ୍ତୁ ପୋଲିସ ସଠିକ କାର୍ଯ୍ୟନୁଷ୍ଠାନ ଗ୍ରହଣ କର ୁନ ଥିବା ଦାବିରେ ବୁଧବାର ପରିବାର ଲୋକେ ଓ ଗ୍ରାମବାସୀ ଜବରା ବ୍ରାହ୍ମଣୀ ସେତୁ ନିକଟରେ ଟାୟାର ଜାଳି ରାସ୍ତା ଅବରୋଧ କରି ବସିଥିଲେ। ଘଟଣା ସ୍ଥଳରେ ଉତ୍ତେଜନା ଲାଗି ରହିଥିବାବେଳେ କୁଆଖିଆ ପୋଲିସ ଓ ଗୋଟାଏ ପ୍ଲାଟୁନ ପୋଲିସ ଫୋର୍ସ ପହଞ୍ଚି ଲୋକଙ୍କୁ ବୁଝାସୁଝା କରିଥିଲେ। ଖୁବଶୀଘ୍ର ନିଖୋଜ ସ୍ବାମୀଙ୍କୁ ଫେରାଇ ଆଣିବା ପ୍ରତିଶ୍ରୁତି ପାଇବା ପରେ ଲୋକେ ଧାରଣାରୁ ଉଠିଥିଲେ।
ଏହି ଘଟଣାକୁ କୁଆଖିଆ ପୋଲିସ ଗୁରୁତର ସହ ତଦନ୍ତ କରିଥିବା ବେଳେ ବନାରସ ର କାଶୀ ବିଶ୍ୱନାଥ ଅଞ୍ଚଳରୁ ସ୍ଥାନୀୟ ଲୋକେଙ୍କ ସହଯୋଗରେ ଯାଜପୁର ରୋଡ ଷ୍ଟେଶନରୁ ଉକ୍ତ ଯୁବକଙ୍କୁ ଉଦ୍ଧାର କରିଛି। କୁଆଖିଆ ପୋଲିସ ପକ୍ଷରୁ ନିଖୋଜ ଯୁବକଙ୍କୁ ପରିବାର ଜିମା ଦେଇଛନ୍ତି। ସ୍ବାମୀଙ୍କୁ ପାଇଁ ପତ୍ନୀ ଶୁଭଲକ୍ଷ୍ମୀ ଓ ପରିବାର ଲୋକେ ବେଶ ଖୁସି ହୋଇଛନ୍ତି।
