କେନ୍ଦୁଝର,୧୩ା୯(ନରେଶ ଚନ୍ଦ୍ର ପଟ୍ଟନାୟକ): କେନ୍ଦୁଝର ଜିଲା ବଂଶପାଳ ବ୍ଲକ ଅନ୍ତର୍ଗତ ଛାମୁଣ୍ଡା ନଦୀରେ ବୁଡି ଜଣଙ୍କର ମୃତ୍ୟୁ ଘଟିଛି। ମୃତକ ହେଲେ ସଦର ଥାନା ଅନ୍ତର୍ଗତ ଖଜୁରୀମୁଣ୍ତି ଗ୍ରାମର ଧରଣୀଧର ପ୍ରଧାନ(୫୫)।
ମିଳିଥିବା ସୂଚନା ମୁତାବକଳ ଧରଣୀଧର ଗୁରୁବାର ଅପରାହ୍ନରେ ନିକଟସ୍ଥ ଛାମୁଣ୍ତା ନାଳକୁ ଶୌଚ ହେବାକୁ ଯାଇଥିଲେ। ହେଲେ ଧରଣୀଧର ଘରକୁ ନ ଫେରିବାରୁ ପରିବାର ଲୋକେ ତାଙ୍କୁ ଖୋଜାଖୋଜି କରି ଥିଲେ। ହେଲେ ତାଙ୍କର କୌଣସି ପତ୍ତା ପାଇ ପରିବାର ଲୋକେ ଚିନ୍ତିତ ଥିଲେ।
ଘଟଣାର ୩ ଦିନ ପରେ ଶନିବାର ନଦୀରେ ମୃତଦେହ ଭାସୁଥିବା ସ୍ଥାନୀୟ ଲୋକେ ଦେଖିବାକୁ ଯାଇଥିଲେ। ଖବର ପାଇ ଘଟଣାସ୍ଥଳରେ ଅଗ୍ନିଶମ କର୍ମଚାରୀ ପହଞ୍ଚି ଧରଣୀଧରଙ୍କ ମୃତଦେହ ଉଦ୍ଧାର କରିଥିଲେ। ସଦର ଥାନା ଏସ୍ଆଇ ସ୍ବରୂପ ରଞ୍ଜନ ନାୟକ ଏକ ଅପମୃତ୍ୟୁ ମାମଲା(ନଂ.୭୭/୨୫) ରୁଜୁ କରି ଦଦନ୍ତ କରିଥିଲେ। କେନ୍ଦୁଝର ଜିଲା ମୁଖ୍ୟ ଚିକିତ୍ସାଳୟରେ ମୃତଦେହ ବ୍ୟବଚ୍ଛେଦ ପରେ ପରିବାର ଲୋକଙ୍କୁ ହସ୍ତାନ୍ତର କରାଯାଇଛି।
