ଲଣ୍ଡନ,୨୨।୩ : ବ୍ରିଟେନର ପୂର୍ବତନ ପ୍ରଧାନମନ୍ତ୍ରୀ ବୋରିସ ଜନସନ ସ୍ବୀକାର କରିଛନ୍ତି ଯେ ସେ ’ପାର୍ଟିଗେଟ’ ମାମଲାରେ ସଂସଦକୁ ବିଭ୍ରାନ୍ତ କରିଛନ୍ତି। ତେବେ ଜନସନ ଏହା ମଧ୍ୟ କହିଛନ୍ତି ଯେ ଅଜାଣତରେ ଏହା ତାଙ୍କ ତରଫରୁ ଘଟିଛି। ତାଙ୍କର ଉଦ୍ଦେଶ୍ୟ ମନ୍ଦ ନ ଥିଲା। ସଂସଦୀୟ କମିଟି ପାର୍ଟିଗେଟ ପ୍ରସଙ୍ଗରେ ଯାଞ୍ଚ କରୁଛି। ବୁଧବାର ଏହି ପ୍ରସଙ୍ଗରେ ଜନସନଙ୍କୁ ପ୍ରଶ୍ନ କରାଯିବ।
ଜନସନ ଅନୁସନ୍ଧାନ କମିଟିକୁ ୫୨ ପୃଷ୍ଠାର ଲିଖିତ ଡୋଜିଅର୍ ଦେଇଛନ୍ତି। ଏଥିରେ ସେ କହିଛନ୍ତି ଯେ କୋଭିଡ ଲକଡାଉନର ଦୁଇ ବର୍ଷ ମଧ୍ୟରେ ସେ କାହିଁକି ନିୟମ ଭାଙ୍ଗିବାକୁ ମନା କଲେ? ଯେତେବେଳେ ତାଙ୍କ କର୍ମଚାରୀମାନେ ୧୦ ଡାଉନିଂ ଷ୍ଟ୍ରିଟରେ ପାର୍ଟି କରୁଥିଲେ । ଏହି ମାମଲାରେ ଜନସନଙ୍କ ସହ ତତ୍କାଳୀନ ଅର୍ଥମନ୍ତ୍ରୀ ତଥା ବର୍ତ୍ତମାନର ପ୍ରଧାନମନ୍ତ୍ରୀ ଋଷି ସୁନକଙ୍କୁ ମଧ୍ୟ ପୋଲିସ ଜରିମାନା କରିଥିଲା।
ଗତ ବର୍ଷ ବୋରିସ ଜନସନ ଏହି ପ୍ରସଙ୍ଗରେ ସଂସଦ ସମ୍ମୁଖରେ ସ୍ପଷ୍ଟୀକରଣ ଦେଇଥିଲେ। ଏହା ପରେ ସେ ଏହି ଅଭିଯୋଗକୁ ଖଣ୍ଡନ କରିଦେଇଥିଲେ। ବର୍ତ୍ତମାନ ଜନସନ କହିଛନ୍ତି ଯେ ମୁଁ ୧ ଡିସେମ୍ବର୨୦୨୧, ୮ ଡିସେମ୍ବର ୨୦୨୧ କିମ୍ବା ଅନ୍ୟ କୌଣସି ତାରିଖକୁ ଉଦ୍ଦେଶ୍ୟମୂଳକ କିମ୍ବା ବେପରୁଆ ଭାବରେ କହି ସଂସଦକୁ ବିଭ୍ରାନ୍ତ କରି ନାହିଁ। ମୋର ଓକିଲ ଯାହା ପ୍ରସ୍ତୁତ କରିଥିଲେ ତାହା ମୁଁ କହିଥିଲି।
କରୋନା ଶୋକସନ୍ତପ୍ତ ପରିବାର ପକ୍ଷରୁ ହାଜର ହୋଇଥିବା ପ୍ରତିପକ୍ଷ ଓକିଲ କହିଛନ୍ତି, ଏହା ସ୍ପଷ୍ଟ ଯେ ଜନସନ ସଂସଦରେ ମିଥ୍ୟା କହିଛନ୍ତି। ତେଣୁ ବର୍ତ୍ତମାନ ସେ ସାଂସଦ ପଦରୁ ଇସ୍ତଫା ଦେବା ଉଚିତ। ଏଥିରେ ଯୋଗ କରାଯାଇଛି ଯେ, ’ଆମର ପ୍ରିୟଜନଙ୍କୁ ସୁରକ୍ଷା ଦେବାରେ ବିଫଳ ହେବା ପରେ ସେମାନେ ଜାଣିଶୁଣି ଶୋକସନ୍ତପ୍ତ ପରିବାରକୁ ମିଛ କହିଥିଲେ। ସବୁଠାରୁ ଖରାପ କଥା, ସେ ଦାବି କରିଛନ୍ତି ଯେ ସେ ଏହାକୁ ଭଲ ବିଶ୍ୱାସରେ କରିଛନ୍ତି।
ଲକଡାଉନ ଉଲ୍ଲଂଘନ ଏବଂ ଅନ୍ୟାନ୍ୟ ଘୋଟାଲା ଅଭିଯୋଗରେ ଘେରି ରହିବା ପରେ ବୋରିସ ଜନସନ ଜୁଲାଇ ୨୦୨୨ ରେ ପ୍ରଧାନମନ୍ତ୍ରୀ ପଦରୁ ଇସ୍ତଫା ଦେଇଥିଲେ। ସଂସଦର ଅଧିକାର କମିଟି ଏକ ବିବୃତ୍ତିରେ କହିଛି ଯେ ବୋରିସ ଜନସନ ସର୍ବସାଧାରଣରେ ମୌଖିକ ପ୍ରମାଣ ଦେବା ପାଇଁ କମିଟିର ନିମନ୍ତ୍ରଣକୁ ଗ୍ରହଣ କରିଛନ୍ତି।
ଆଠ ମାସର କାର୍ଯ୍ୟ ପରେ ଚଳିତ ମାସ ଆରମ୍ଭରେ ପ୍ରକାଶିତ ଏକ ମଧ୍ୟବର୍ତ୍ତୀକାଳୀନ ରିପୋର୍ଟରେ କମିଟି କହିଛି ଯେ ଏପର୍ଯ୍ୟନ୍ତ ହାଉସ ଅଫ କମନ୍ସରେ ବୋରିସ ଜନସନଙ୍କ ନିର୍ଦ୍ଦୋଷତା ଆବେଦନ କ୍ଷୁର୍ଣ୍ଣ ହୋଇଛି। ରିପୋର୍ଟରେ ଦର୍ଶାଯାଇଛି ଯେ ଜନସନ ସମାବେଶରେ ଥିବାବେଳେ କରୋନା ଲକଡାଉନ ଉଲ୍ଲଂଘନ କରିଥିଲେ।
