କେସିଙ୍ଗା,୬।୩(ତୁମେଶ୍ୱର ସାହୁ): କଳାହାଣ୍ଡି ଜିଲା କେସିଙ୍ଗା ଆଦର୍ଶ ଥାନାର ଶୁଭ ଉଦ୍ଘାଟନ ଭିଡିଓ କନ୍ଫରେନ୍ସ ମାଧ୍ୟମରେ ସ୍ବରାଷ୍ଟ୍ର ମନ୍ତ୍ରୀ ଅମିତ ଶାହାଙ୍କ ଦ୍ୱାରା ଶୁକ୍ରବାର ସନ୍ଧ୍ୟାରେ ଉଦ୍ଘାଟିତ ହୋଇଛି। ଦୀର୍ଘଦିନ ଧରି ଏହି ନୂତନ ଆଦର୍ଶ ଥାନା ନିର୍ମାଣ ହୋଇ ପଡିରହିଥିଲା। କଳାହାଣ୍ଡି ଜିଲାରେ ୫ଟି ଥାନାକୁ ମନ୍ତ୍ରୀ ଭିଡିଓ କମ୍ପରେନ୍ସ ଦ୍ୱାରା ଉଦ୍ଘାଟନ କରିଥିଲେ।
ଏହି ଉଦ୍ଘାଟନ ଏସ୍ଡିପିଓ ଓ ସନ୍ଧିପ ମାଝୀଙ୍କ ନେତୃତ୍ୱରେ ଅନୁଷ୍ଠିତ ହୋଇଥିଲା। କାର୍ଯ୍ୟକ୍ରମରେ କେସିଙ୍ଗା ଏନ୍ଏସି ଅଧ୍ୟକ୍ଷ ନୃପରାଜ ଯାଦବ, ବ୍ଲକ ଅଧ୍ୟକ୍ଷ ଚନ୍ଦନ ସେନାପତିଙ୍କ ସମେତ ମାନ୍ୟଗଣ୍ୟ ବ୍ୟକ୍ତି ବିଶେଷ ଯୋଗଦେଇଥିଲେ। ଏ ସଂକ୍ରାନ୍ତରେ ଏସଡିପିଓ ସନ୍ଦୀପ କୁମାର ମାଝୀଙ୍କୁ ପଚାରିବାରୁ ଜିଲାରେ ୫ଟି ଥାନା ଉଦ୍ଘାଟନ ହୋଇଛି। ସେଥି ମଧ୍ୟରୁ କେସିଙ୍ଗା ଆଦର୍ଶ ଥନାର ଉଦ୍ଘାଟନ ହୋଇଥିବାରୁ ପୋଲିସ କର୍ମଚାରୀଙ୍କ ମଧ୍ୟରେ ଆନନ୍ଦ ପ୍ରକାଶ ପାଇଛି ବୋଲି ପ୍ରକାଶ କରିଥିଲେ। ଆଇଆଇ ସି ଜିତେନ୍ଦ୍ର କୁମାର ବିଶ୍ବାଳଙ୍କ ସମେତ ପୋଲିସ କର୍ମଚାରୀ ଉପସ୍ଥିତ ଥିଲେ।
